Májilis depýtaty Dáýlet Turlyhanov probasıalyq tártipti buzyp, toıda kóringen uly Nurasyl Bolatty qorǵap sóıledi,- dep habarlaıdy Dalanews.kz Qaz365.kz-ke siltep.
«Qaı áke balasy jaman bolsyn dep tárbıeleıdi. Qoldan kelgenshe tárbıe berdik. Bala biraq jaqsy. Biraq ne úshin qalaı bolyp jatqanyn bilmeımin. Bir balanyń artynan ańdý bar. 21 jastaǵy bala. Erteń júıkesi tozyp, aýrý bolyp qalsa oǵan kim jaýap beredi? Sondyqtan, balam óte jaqsy, tárbıeli. Búgingi kúni óziniń joldastarymen aralasýǵa bolmaı ma? Týǵan kúnge barýǵa bolmaı ma? Sol jaǵy, densaýlyǵy meni qatty oılandyrady», - dedi depýtat Parlamentte jýrnalıserge.
Depýtat balanyń artynan ańdý bar dep kúdiktenedi. Otstavkasy týraly suraqty óz saılaýshylary sheshetinin málimdedi. Óz jumysyna joǵary baǵa berdi.
«Ulym 21 jasta. Ony bas bostandyǵynan ne úshin aıyrý aıyrý kerek? Saǵat keshki 20.30-da áriptesterimen otyrǵan. İshpegen. Birden túrmege qamaıtyn bolsaq, ol tárbıe emes. Bári bolýy múmkin (óz-ózine qol salýy múmkin be degen suraqqa). Kún saıyn jazady. Telefonda bári jazyp jatyr. Bireý jaqsy aıtsa, bireý jaman aıtyp jatyr. Ol bala da oılanady. Ol balaǵa janym ashyp júr. Uıqysy joǵaldy. Qazir balama uryspaımyn. Densaýlyǵyn oılap otyrmyn», - dedi Dáýlet Turlyhanov.
Eske salaıyq, buǵan deıin Májilis depýtaty Dáýlet Turlyhanovtyń uly Nurasyl Bolat taǵy "qydyryp júrgenin" jazǵan edik.
Áleýmettik jelide Nurasyldyń týǵan kúnde otyrǵan vıdeosy tarady. Al sot sheshimi boıynsha Turlyhanovtyń uly probasıalyq baqylaýda (ýákiletti organdardyń sottalǵandarǵa sot júktegen mindetterdi oryndaýyn jáne olardyń minez-qulqyn baqylaý).
Qylmystyq-atqarý júıesi komıtetindegilerdiń málimetinshe, Nurasyl Bolat bas bostandyǵyn shekteý túrindegi jazasyn ótep júr jáne Almaty qalasynyń probasıa qyzmetinde esepte turdy.
"Probasıalyq baqylaýdy buzý faktisi boıynsha sottalǵan adamǵa (Nurasyl Bolatqa) eskertý jasaldy, jazany bas bostandyǵynan aıyrýǵa aýystyrý týraly máseleni sheshý úshin sotqa materıal daıyndalyp jatyr", - delingen komıtettiń resmı jaýabynda.
Tamyzda jelide Nurasyl Bolattyń úıinde probasıalyq baqylaýda bolýy kerek ýaqytynda qalany aralap júrgeni túsirilgen vıdeo paıda boldy. QAJK ishki tekseristi bastaǵany týraly aıtylǵan bolatyn.
Aıta keteıik, buǵan deıin Almatyda áskerı qyzmetker belgili advokatty soqqyǵa jyqqany habarlanǵan. Bul oqıǵa 11 aqpanǵa qaraǵan túni Almatynyń saýda ortalyqtarynyń biriniń mańyndaǵy parkıngte bolǵan. İs qoǵamdyq daý týdyrdy.
Bul oqıǵa týraly advokat Oleg Chernovtyń áıeli Anna Dmıtrıevıch Facebook-paraqshasynda jazǵan. Olar taksıge otyra bergende bir jigit júgirip kelip, soqqyǵa jyǵylǵan qyzǵa kómektesýin suraǵan.
Al keıin advokatty soqqyǵa jyqqan áskerı qyzmetker grek-rım kúresinen qazaqstandyq jáne burynǵy Keńes Odaǵynyń palýany Dáýlet Turlyhanovtyń uly bolyp shyqty. Bul aqparatty Turlyhanovtyń ózi rastaǵan bolatyn. Ol ulyna qatysty daýǵa kózqarasyn bildirip, keshirim surady.
9 qazanda sot Nurasyl Bolatty ózine taǵylǵan qylmysty jasaǵany úshin kináli dep taýyp, 1 700 000 teńge kóleminde aıyppul saldy. 2024 jylǵy 14 mamyrda Joǵarǵy Sot isti kasasıalyq tártipte qarap, úkimdi ózgertti. Turlyhanovtyń ulyna eki jyl bas bostandyǵynan shekteý jazasy taǵaıyndalyp, ótemaqy mólsheri ulǵaıtyldy.
