Astana sotynda Liýdmila Grachevanyń isi boiynsha jaryssóz ótti,- dep habarlaidy Dalanews.kz Alash.KZ-ke siltep.
Bul áielge Qýandyq Bishimbaevtyń jazasyn jeńildetemin dep 100 mln teńge para aldy degen aiyp taǵyldy.
Onyń aldynda Liýdmila Gracheva «Qýandyq Bishimbaev 1995 jyly jasaǵan qylmysty ashamyn» dep te Bishimbaevtyń otbasyna habarlasqany málim.
«Ádildik izdegen adam osylai jasar ma edi? Onyń nieti – jábirlenýshilerdiń senimine kirip, aqsha tabý. Al onyń burynǵy qylmys týraly oqiǵasy tolyq oidan shyǵarylǵan», – dedi prokýror Azamat Toqtarbai.
Onyń aitýynsha, Gracheva Bishimbaevtyń anasyna alqa bilerdi satyp alýdy usynyp, qylmys jasaýǵa itermelegen. Muny filologiialyq saraptama anyq kórsetip otyr.
Prokýror bul áieldi «iri kólemdegi alaiaqtyq», «qylmys jasaýǵa daiyndalý» boiynsha – 5 jylǵa, «iri kólemde para berý», «arandatý» boiynsha 11 jylǵa bas bostandyǵynan aiyrýdy surady.
«Jeńil jaza eskerilmei qalatyn, qatań jazany alǵa tarta otyryp, 11 jyl bas bostandyǵynan aiyrý jazasy taǵaiyndalsyn», – dedi Azamat Toqtarbai.
Jaryssózdyń jalǵasy tústen keiin ótetin boldy.
Sottalýshynyń múddesin qorǵap jatqan advokat Oksana Shevchenko Liýdmila Grachevany tolyq aqtaýdy surady. Grachevanyń ózi de kinásin moiyndamai otyr.
