استانا سوتىندا ليۋدميلا گراچەۆانىڭ ٸسٸ بويىنشا جارىسسٶز ٶتتٸ,- دەپ حابارلايدى Dalanews.kz Alash.KZ-كە سٸلتەپ.
بۇل ەيەلگە قۋاندىق بٸشٸمباەۆتىڭ جازاسىن جەڭٸلدەتەمٸن دەپ 100 ملن تەڭگە پارا الدى دەگەن ايىپ تاعىلدى.
ونىڭ الدىندا ليۋدميلا گراچەۆا «قۋاندىق بيشٸمباەۆ 1995 جىلى جاساعان قىلمىستى اشامىن» دەپ تە بيشٸمباەۆتىڭ وتباسىنا حابارلاسقانى مەلٸم.
«ەدٸلدٸك ٸزدەگەن ادام وسىلاي جاسار ما ەدٸ? ونىڭ نيەتٸ – جەبٸرلەنۋشٸلەردٸڭ سەنٸمٸنە كٸرٸپ, اقشا تابۋ. ال ونىڭ بۇرىنعى قىلمىس تۋرالى وقيعاسى تولىق ويدان شىعارىلعان», – دەدٸ پروكۋرور ازامات توقتارباي.
ونىڭ ايتۋىنشا, گراچەۆا بيشٸمباەۆتىڭ اناسىنا القا بيلەردٸ ساتىپ الۋدى ۇسىنىپ, قىلمىس جاساۋعا يتەرمەلەگەن. مۇنى فيلولوگييالىق ساراپتاما انىق كٶرسەتٸپ وتىر.
پروكۋرور بۇل ەيەلدٸ «ٸرٸ كٶلەمدەگٸ الاياقتىق», «قىلمىس جاساۋعا دايىندالۋ» بويىنشا – 5 جىلعا, «ٸرٸ كٶلەمدە پارا بەرۋ», «ارانداتۋ» بويىنشا 11 جىلعا باس بوستاندىعىنان ايىرۋدى سۇرادى.
«جەڭٸل جازا ەسكەرٸلمەي قالاتىن, قاتاڭ جازانى العا تارتا وتىرىپ, 11 جىل باس بوستاندىعىنان ايىرۋ جازاسى تاعايىندالسىن», – دەدٸ ازامات توقتارباي.
جارىسسٶزدىڭ جالعاسى تٷستەن كەيٸن ٶتەتٸن بولدى.
سوتتالۋشىنىڭ مٷددەسٸن قورعاپ جاتقان ادۆوكات وكسانا شەۆچەنكو ليۋدميلا گراچەۆانى تولىق اقتاۋدى سۇرادى. گراچەۆانىڭ ٶزٸ دە كٸنەسٸن مويىنداماي وتىر.
