Túrkistan qalasynda 25 qazan – Respýblika kúni qarsańynda 2000 orynǵa eseptelgen alǵashqy jaily mektep ashyldy. El Prezidenti Qasym-Jomart Toqaevtyń tapsyrmasymen jáne qoldaýymen salynǵan bilim uiasynyń ashylý saltanatyna Túrkistan oblysynyń ákimi Darhan Satybaldy men bilim salasynyń ardagerleri qatysty,dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Memleket basshysynyń bastamasymen búgingi tańda elimizde «Jaily mektep» ulttyq jobasy qabyldanyp, zamanaýi, ozyq úlgidegi bilim oshaqtary salynýda. Bul bastama apatty jáne úsh aýysymdyq mektepter máselesin sheship, oqýshy oryndarynyń tapshylyǵyn joiady. Biyl oblysymyzda jalpy qýattylyǵy 17 800 oryndy quraityn 29 jaily mekteptiń qurylysy júrgizilýde. Búgin onyń alǵashqysyn ashqaly otyrmyz. Sizderdiń mektepterińiz jai ǵana jańa ǵimarat emes. Bul – damý men oqý úshin tamasha jaǵdailar jasalǵan oryn. Elimizdiń bolashaǵy – bilimdi urpaqtyń qolynda. Olardyń oqýda ozat bolyp, qoǵamnyń barlyq salasynda biik belesterdi baǵyndyrýyna tilektespin. Jańa bilim ordasynyń ashylýy qutty bolsyn! – dedi Darhan Satybaldy.
Memleket tarapynan sapaly bilim alýǵa barlyq jaǵdailar jasalýda. Onyń ishinde Túrkistan óńirinde aýqymdy jumys júrip jatyr. Búgin tapsyrylǵan alyp bilim uiasy qaladaǵy 2 mekteptegi júktemeni azaitýǵa múmkindik beredi. Birinshi kezekte munda №28 mektep-litseiiniń oqýshylary kóship keldi. Qazirgi tańda 66 pedagog aýysý tártibimen, 7 pedagog konkýrstyq tártippen qabyldandy. Oqýshy sanynyń tolyǵýyna qarai ózge de ustazdar konkýrstyq rásimmen qabyldanady. Bilikti ustazdar arnaiy iriktelgen. Budan bólek, qarjy, sharýashylyq qyzmetkerleri jumysqa alynǵan.
Túrkistan qalasynyń Jańa qala aýmaǵynda salynǵan 4 qabatty bilim ordasyndaǵy fizika, himiia, biologiia jáne robototehnika kabinetteri zamanaýi jabdyqtarmen jabdyqtalǵan. Bilim alýshylardyń jan-jaqty damýy úshin mektepte sport zaldary, sheberlik zaldary, zerthanalar men demalys aimaqtary uiymdastyrylǵan. Joǵary jyldamdyqtaǵy internetke qosylǵan. Bastaýysh pen joǵary synyp oqýshylary jekelegen bloktarda oqidy. Balalardyń jas ereksheligine orai bloktardyń árqaisysy oqý synyptarymen, sanitarlyq toraptarmen, sport zaldarymen jáne jekeshelegen kishkene shkaftarmen qamtylǵan. Erekshe qajettiligi bar balalar úshin inkliýzivti kabinetter, pandýstar, jedel satylar, arnaiy beiimdelgen ájethanalar salynǵan.
Túrkistan óńirinde bilim salasyna erekshe kóńil bólinip keledi. Oqý-tárbie jumystaryna qolaily jaǵdai jasaý maqsatynda oblys basshylyǵy barlyq qajetti sharalardy qabyldaýda. Sonyń ishinde bilim oshaqtarynyń aýmaǵy men ǵimarat ishinde oqýshylardyń qaýipsizdigin tolyqtai qamtamasyz etý basty mindetter qatarynda. Biylǵy jyldyń ózinde mektepter beinebaqylaý, dabyl júielerimen qamtylyp, politsiianyń jedel basqarý ortalyǵymen integratsiialandy.
Aita keteiik, Prezidenttiń tikelei tapsyrmasymen júzege asyp jatqan «Jaily mektep» ulttyq jobasy aiasynda Túrkistan oblysynda 29 mektep salynýda. Oǵan qosa oblystyq biýdjetten jáne arnaiy qordyń qarjy kózderinen 20 mektep pen 1 mýzykalyq mektep boi kóterýde. Onyń ishinde tórteýi el igiligine tapsyrylyp úlgerdi. Qalǵan mektepterdiń qurylysy júrip jatyr. Jalpy 14 bilim nysany biyl tapsyrylsa, 7 mekteptiń qurylysy kelesi jylǵa ótpeli. Túrrli jobalar men qarjylandyrý kózderi esebinen eki jylda 50 bilim nysany paidalanýǵa berilgende óńirdegi apatty jáne úsh aýysymdy mektepter máselesi tolyq sheshimin tappaq.
