Astana qalasynyń prokýratýrasy bilim berý granttaryn alýǵa, sondai-aq magistratýra men doktorantýraǵa túsýge járdem kórsetý týraly zańsyz ýádelermen bailanysty alaiaqtyq faktisi boiynsha qylmystyq is boiynsha memlekettik aiyptaýdy qoldady, dep habarlaidy dalanews.kz.
Sottalýshy azamattardy bilim berý salasynda bailanystary bar ekenine jáne oqýǵa túsý men grant alý máselelerin kepildi túrde sheshýge múmkindigi bar ekenine sendirip, olardy adastyrǵan. Onyń ýádelerine sengen jábirlenýshiler oǵan qomaqty aqsha qarajatyn bergen.
Shyn máninde qandai da bir qyzmet kórsetilmegen, al alynǵan aqsha qarajatyn qaskói iemdenip, óz qalaýynsha jumsaǵan.
Qylmystyq áreketterdiń saldarynan 111 azamat zardap shegip, keltirilgen jalpy zalal shamamen 70 million teńgeni qurady. Bul rette jábirlenýshilerdiń basym bóligine keltirilgen zalal ótelmegen.
Kinásin moiyndaǵanyna qaramastan, sot sottalýshyǵa 4 jyl merzimge bas bostandyǵynan aiyrý jazasyn taǵaiyndady.
Sot úkimi 2026 jylǵy 12 mamyrda zańdy kúshine endi.
