"Qazatomónerkásip" UK" AQ CNNC Overseas Limited jáne China National Uranium Corporation Limited qytailyq kompaniialaryna tabiǵi ýran kontsentratyn jetkizbek niette, dep habarlaidy Dalanews.kz.
"Qazatomónerkásip" UAK" AQ CNNC Overseas Limited jáne China National Uranium Corporation Limited kompaniialarymen atalmysh kompaniialar paidasyna taraptardyń kelisimderin jazbasha bekitý arqyly naryq sharttary boiynsha U3O8 túrindegi tabiǵi ýran kontsentrattaryn jetkizý týraly kelisimge qol jetkizdi. Buǵan deiin CNUC jáne CNNC Overseas kompaniialarymen jasalǵan mámilelermen birge jiynnyń qaraýyna shyǵarylatyn mámileniń quny kompaniianyń (bólek qarjylyq eseptiligine negizdelgen) aktivteriniń jalpy balans qunynyń 50%-nan asady, jáne de sol sebepti atalǵan mámile Qazaqstan Respýblikasynyń qoldanystaǵy zańnamasyna sáikes kompaniianyń aktsionerleriniń jalpy jinalysynyń qaraýyna shyǵarylady", delingen resmi habarlamada.
Atalǵan jinalys 2024 jyly 15 qarashada ótkizilýi tiis ekenin naqtylai keteiik.
Aita ketsek, Qytai Halyq Respýblikasynda tirkelgen CNUC kompaniiasy jáne Gonkongta tirkelgen CNNC Overseas kompaniiasy iadrolyq ónerkásiptiń barlyq salalarynda áreket etetin Qytai Halyq Respýblikasynyń memlekettik korporatsiiasy - China National Nuclear Corporation (CNNC) úlestes uiymdary bolyp tabylady.
CNNC – atom otyny óndirisi jáne atom elektr stansalary qurylysy,men ainalysatyn QHR-daǵy atom elektr stansalarynyń basty operatory.
