"قازاتومونەركاسىپ" ۇك" اق CNNC Overseas Limited جانە China National Uranium Corporation Limited قىتايلىق كومپانيالارىنا تابيعي ۋران كونسەنتراتىن جەتكىزبەك نيەتتە، دەپ حابارلايدى Dalanews.kz.
"قازاتومونەركاسىپ" ۇاك" اق CNNC Overseas Limited جانە China National Uranium Corporation Limited كومپانيالارىمەن اتالمىش كومپانيالار پايداسىنا تاراپتاردىڭ كەلىسىمدەرىن جازباشا بەكىتۋ ارقىلى نارىق شارتتارى بويىنشا U3O8 تۇرىندەگى تابيعي ۋران كونسەنتراتتارىن جەتكىزۋ تۋرالى كەلىسىمگە قول جەتكىزدى. بۇعان دەيىن CNUC جانە CNNC Overseas كومپانيالارىمەن جاسالعان مامىلەلەرمەن بىرگە جيىننىڭ قاراۋىنا شىعارىلاتىن مامىلەنىڭ قۇنى كومپانيانىڭ (بولەك قارجىلىق ەسەپتىلىگىنە نەگىزدەلگەن) اكتيۆتەرىنىڭ جالپى بالانس قۇنىنىڭ 50%-نان اسادى، جانە دە سول سەبەپتى اتالعان مامىلە قازاقستان رەسپۋبليكاسىنىڭ قولدانىستاعى زاڭناماسىنا سايكەس كومپانيانىڭ اكسيونەرلەرىنىڭ جالپى جينالىسىنىڭ قاراۋىنا شىعارىلادى"، دەلىنگەن رەسمي حابارلامادا.
اتالعان جينالىس 2024 جىلى 15 قاراشادا وتكىزىلۋى ءتيىس ەكەنىن ناقتىلاي كەتەيىك.
ايتا كەتسەك، جۇڭگو حالىق رەسپۋبليكاسىندا تىركەلگەن CNUC كومپانياسى جانە گونكونگتا تىركەلگەن CNNC Overseas كومپانياسى يادرولىق ونەركاسىپتىڭ بارلىق سالالارىندا ارەكەت ەتەتىن جۇڭگو حالىق رەسپۋبليكاسىنىڭ مەملەكەتتىك كورپوراسياسى - China National Nuclear Corporation (CNNC) ۇلەستەس ۇيىمدارى بولىپ تابىلادى.
CNNC – اتوم وتىنى ءوندىرىسى جانە اتوم ەلەكتر ستانسالارى قۇرىلىسى،مەن اينالىساتىن قحر-داعى اتوم ەلەكتر ستانسالارىنىڭ باستى وپەراتورى.
