الماتىدا كٶكجايلاۋ اۋماعىندا جٷزەگە اسىرىلۋى جوسپارلانعان Almaty SuperSki تاۋ كۋرورتى جوباسى بويىنشا قوعامدىق تىڭداۋ اياقتالدى. بٸرنەشە ساعاتقا سوزىلعان اشىق تالقىلاۋ بارىسىندا جوبانىڭ ەكونوميكالىق, تۋريستٸك, ەلەۋمەتتٸك جەنە ەكولوگييالىق اسپەكتٸلەرٸ جان-جاقتى قارالدى, دەپ حابارلايدى dalanews.kz.
قوعامدىق تىڭداۋعا ەكولوگتار, ساراپشىلار, كەسٸپكەرلەر, سپورت سالاسىنىڭ ماماندارى, قوعام بەلسەندٸلەرٸ جەنە قالا تۇرعىندارى قاتىسىپ, جوباعا قاتىستى پٸكٸرلەرٸن بٸلدٸردٸ.
تىڭداۋ قورىتىندىسى بويىنشا قاتىسۋشىلاردىڭ باسىم بٶلٸگٸ الماتىنىڭ تاۋ كلاستەرٸن دامىتۋ باستاماسىن قولدادى. جوبا اۆتورلارى مەن قولداۋشىلاردىڭ پٸكٸرٸنشە, Almaty SuperSki الماتىنى ورتالىق ازيياداعى جەتەكشٸ تاۋ تۋريزمٸ ورتالىقتارىنىڭ بٸرٸنە اينالدىرۋعا مٷمكٸندٸك بەرەدٸ.
جوبا اياسىندا حالىقارالىق دەڭگەيدەگٸ زاماناۋي تاۋ ينفراقۇرىلىمىن قالىپتاستىرۋ كٶزدەلٸپ وتىر. جوسپار بويىنشا جاڭا تۋريستٸك ايماقتا شاڭعى تراسسالارى, اسپالى جولدار, سەرۆيس ورتالىقتارى, قوناقٷيلەر, قوعامدىق تاماقتانۋ ورىندارى جەنە جىل بويى جۇمىس ٸستەيتٸن تۋريستٸك نىساندار سالىنۋى مٷمكٸن.
ساراپشىلاردىڭ ايتۋىنشا, بۇل باستاما الماتىعا كەلەتٸن ٸشكٸ جەنە شەتەلدٸك تۋريستەر سانىن ەدەۋٸر ارتتىرۋعا ىقپال ەتەدٸ.
قوعامدىق تىڭداۋدا جوبانىڭ ەكونوميكالىق تيٸمدٸلٸگٸنە دە ەرەكشە نازار اۋدارىلدى. سپيكەرلەردٸڭ ايتۋىنشا, تاۋ كلاستەرٸن دامىتۋ مىڭداعان جاڭا جۇمىس ورنىن اشۋعا مٷمكٸندٸك بەرەدٸ. بۇل تەك قۇرىلىس كەزەڭٸندەگٸ ۋاقىتشا جۇمىسپەن قامتۋ ەمەس, تۋريزم, قوناقٷي بيزنەسٸ, قوعامدىق تاماقتانۋ, كٶلٸك, سپورت يندۋستريياسى مەن سەرۆيس سالالارىنداعى تۇراقتى جۇمىس ورىندارىن دا قامتيدى.
كەيبٸر قاتىسۋشىلار تولىق ٸسكە قوسىلعاننان كەيٸن جوبا شامامەن 15 مىڭ ادامدى جۇمىسپەن قامتۋعا مٷمكٸندٸك بەرەتٸنٸن ايتتى.
تىڭداۋ بارىسىندا جاستار مەسەلەسٸ دە كٶتەرٸلدٸ. قاتىسۋشىلار حالىقارالىق دەڭگەيدەگٸ تۋريستٸك جوبالاردى جٷزەگە اسىرۋ جاستارعا جاڭا كەسٸبي مٷمكٸندٸكتەر اشىپ, ولاردىڭ شەتەلگە كەتۋٸن ازايتۋعا ىقپال ەتۋٸ مٷمكٸن ەكەنٸن اتاپ ٶتتٸ. سونىمەن قاتار زاماناۋي ينفراقۇرىلىم مەن حالىقارالىق سەرۆيس ستاندارتتارىنىڭ ەنگٸزٸلۋٸ الماتىدا جاڭا بۋىن ماماندارىن دايارلاۋعا جول اشاتىنى ايتىلدى.
ەكولوگييالىق قاۋٸپسٸزدٸك مەسەلەلەرٸ دە كەڭٸنەن تالقىلاندى. جوبا ٶكٸلدەرٸ قۇرىلىس جۇمىستارى حالىقارالىق ەكولوگييالىق تالاپتاردى ەسكەرە وتىرىپ جٷرگٸزٸلەتٸنٸن مەلٸمدەدٸ. تابيعي لاندشافتقا تٷسەتٸن جٷكتەمەنٸ ازايتۋ ٷشٸن ارنايى شارالار قاراستىرىلعانى ايتىلدى. سونداي-اق قوعامدىق باقىلاۋ مەن ساراپتامالىق مونيتورينگ جالعاساتىنى اتاپ ٶتٸلدٸ.
جەكەلەگەن بەلسەندٸلەر تاراپىنان قارسىلىقتار مەن ەموتسييالىق پٸكٸرتالاستار بولعانىمەن, تىڭداۋ بەلگٸلەنگەن تەرتٸپ اياسىندا ٶتتٸ. مودەراتورلار بارلىق تاراپتىڭ پٸكٸر بٸلدٸرۋٸنە مٷمكٸندٸك جاساپ وتىردى.
قوعامدىق تىڭداۋ سوڭىندا جوبا ودان ەرٸ جٷزەگە اسىرۋعا قولداۋ تاپقانى جارييالاندى. ەندٸگٸ كەزەڭدە تەحنيكالىق جەنە جوبالىق قۇجاتتامالاردى ەزٸرلەۋ, مەملەكەتتٸك ساراپتامالاردان ٶتۋ جەنە ينفراقۇرىلىمدى كەزەڭ-كەزەڭٸمەن دايىنداۋ جۇمىستارى جٷرگٸزٸلەدٸ.
ساراپشىلاردىڭ پٸكٸرٸنشە, Almaty SuperSki تەك تاۋ كۋرورتى عانا ەمەس, الماتى ەكونوميكاسىنا ۇزاقمەرزٸمدٸ سەرپٸن بەرەتٸن ٸرٸ ينۆەستيتسييالىق جوبا رەتٸندە قاراستىرىلىپ وتىر. جوبا جٷزەگە اسقان جاعدايدا الماتىنىڭ حالىقارالىق تۋريستٸك كارتاداعى رٶلٸ كٷشەيٸپ, قالا جىل بويى تۋريست قابىلدايتىن زاماناۋي مەگاپوليسكە اينالۋى مٷمكٸن.
