Qazaqstannyń shikizat resýrstarynan túsetin tabysqa táýeldilikti azaityp qana qoimai, sonymen qatar joǵary qosymsha qunǵa qol jetkizgen álemdik ekonomika segmentterinde básekege qabiletti pozitsiiaǵa ornyǵýǵa biregei múmkindigi bar. Bul týraly Aziia damý banki (ADB) men Islam damý bankiniń (IDB) zertteýinde aitylady, dep habarlaidy Dalanews.kz.
"Qazaqstannyń resýrstyq ekonomikasy – jahandyq qosymsha qun (JQT) tizbegi arqyly ártaraptandyrý" atty esepte tabysy ortasha deńgeiden joǵary mártebege ie bolǵanyna qaramastan, Qazaqstannyń jahandyq qosylǵan qun tizbegine qatysýda, onda da sońǵy eki onjyldyqta qiyndyq deńgeii tómen jáne innovatsiiasy shekteýli sektorlarǵa basymdyq bergeni aitylady. Al bul el ekonomikasyn syrtqy táýekelderge qatysty osal ete túsedi.
"Qazaqstannyń jahandyq qun tizbekterine neǵurlym tereń saýda-sattyq integratsiiasy ártaraptandyrylǵan jáne turaqty ekonomikany qurýǵa, sondai-aq álemdik ekonomikalyq ózgeristerge, sonyń ishine jasyl energiia kózderine kóshýine jaqsylap daiyndalýyna múmkindik beredi", - dep atap ótti ADB-nyń bas ekonomisi Albert Park.
Esepte Qazaqstannyń jahandyq qosylǵan qun tizbegindegi óz rólin nyǵaita alatyn negizgi baǵyttary aiqyndalyp kórsetiledi. Olar - tamaq ónerkásibi, sýsyndar óndirisi, sondai-aq mashina jasaý jáne kólik jabdyqtarymen bailanysty segmentter.
"Sonymen qatar, paidaly taý-ken óndirisi men metallýrgiia el eksportynyń jyldyq kóleminiń shamamen 80% quraǵanyna qaramastan, metall óńdeý sektory taý-ken sektorymen salystyrǵanda joǵary deńgeidi kórsetedi. Osy salanyń joǵary qosylǵan qun segmentteri ósimdi jedeldetý úshin kóbirek múmkindikter usynady", delingen qujatta.
Sonymen qatar qujatta Qazaqstannyń jahandyq qosymsha qun tizbekterin tolyqtai paidalaný múmkindigin shekteitin qiyndyqtarǵa basa nazar aýdarylady. Mundai shekteýlerdi joiý úshin mynandai usynystar alǵa tartylady:
- saýda-sattyq kedergilerin tómendetý,
- saýda-sattyq kelisimder aiasyn keńeitý
- innovatsiialardy qoldaityn biznes ortany qurý,
- sondai-aq sheteldik investitsiialardy tikelei tartýdy qoldaý.
Esepte tsifrlyq infraqurylymdarǵa strategiialyq investitsiialar jasaý qajettiligi týraly aitylady. Bul, eń aldymen, eldiń teńizge shyǵý múmkindiginiń bolmaýyna bailanysty týyndaityn syn-qaterlerdi eńserý, álemdik naryqtardaǵy básekege qabilettiligin arttyrý úshin kerek.
Aita ketsek, Frantsiiada Qazaqstan týraly baiandama jariialanǵanyn aldynda jazǵan bolatynbyz.
