Pavlodar oblysy Aqsý qalasynyń aýdanaralyq soty politsiia bóliminiń qyzmetkerine qatysty para alý jáne ákimshilik is boiynsha dálelderdi burmalaý deregi boiynsha aiyptaý úkimin shyǵardy, dep habarlaidy dalanews.kz.
Kólik basqarýǵa quqyǵy joq áiel adam masań kúide jol apatyn jasaǵan. Ákimshilik isti qaraý barysynda sotqa onyń júkti ekeni týraly anyqtama usynylyp, sonyń negizinde ákimshilik qamaq jazasy aiyppulmen aýystyrylǵan.
Prokýrorlar júrgizgen tekseris barysynda meditsinalyq qujat jalǵan ekeni anyqtalǵan. Prokýrorlardyń ýaqtyly ári jedel jumysynyń nátijesinde sybailas jemqorlyq qylmysy áshkerelenip, masań kúide ákimshilik quqyqbuzýshylyq jasaǵany úshin zańda kózdelgen jaýapkershilikten jaltarǵan adam jalǵan qujat paidalanǵany dáleldengen.
Sot politsiia qyzmetkerin para alǵany jáne ákimshilik is boiynsha dáleldi burmalaǵany úshin kináli dep tanyp, oǵan 6,6 mln teńge mólsherinde aiyppul salý, sondai-aq, memlekettik qyzmette jáne ózge de laýazymdarda qyzmet atqarý quqyǵynan ómir boiyna aiyrý túrindegi jaza taǵaiyndady. Sottalǵan adam arnaiy ataǵynan aiyryldy, al para retinde alynǵan aqsha memleket kirisine tárkilendi.
