AQSh-ta tanymal senator ári Donald Tramptyń saiasi odaqtasy Lindsi Grem óz úiinde qaitys boldy. Aldyn ala boljam boiynsha, onyń ólimine júrek talmasy sebep bolýy múmkin, dep habarlady NBC News telearnasy.
Telearnanyń málimetinshe, respýblikashyl saiasatker ári AQSh prezidenti Donald Tramptyń jaqyn saiasi seriktesi Lindsi Grem 71 jasta bolǵan. Senator keńsesiniń málimdemesinde onyń «qysqa ýaqytqa sozylǵan ári kenetten bolǵan syrqattan» qaitys bolǵany aitylǵan.
«Senator Gremniń otbasy osy ýaqytta ol úshin duǵa etýdi suraidy jáne asa aýyr kezeńde jeke ómirge qurmetpen qaraýǵa shaqyrady», – delingen habarlamada.
Lindsi Grem Senattyń biýdjet komitetin basqarǵan jáne qarasha aiynda Senattaǵy besinshi alty jyldyq merzimine sailaýǵa túsken.
NBC News qol jetkizgen politsiia radiosynyń aýdiojazbasyna sáikes, senbi kúni keshke jedel járdem qyzmetkerleri Kapitolii tóbesindegi Gremniń úiinen túsken «júrek talmasy» týraly shaqyrtýǵa barǵan.
«Grem Ýkraina astanasy Kievke jasaǵan saparynan endi ǵana oralǵan edi. Ol juma kúni Ýkraina prezidenti Vladimir Zelenskiimen kezdesti. Onyń ólimi respýblikashyl áriptesi, senator Mitch Makkonnell aýrýhanada jatqan kezde boldy. Ótken aida feldsherler Makkonnell turatyn úige júregi toqtap qalǵan adam týraly shaqyrtý boiynsha barǵan», – dep habarlady telearna.
Lindsi Gremniń ólimine AQSh prezidenti Donald Tramp ta pikir bildirdi.
«Senator Lindsi Grem, men biletin eń uly adamdar men senatorlardyń biri ómirden ótti. Ol árdaiym eńbek etti jáne naǵyz amerikalyq patriot boldy. Lindsidi qatty saǵynatyn bolamyz. Óte qaiǵyly», – dep jazdy Tramp Truth Social áleýmettik jelisinde.
