اقش-تا تانىمال سەناتور ەرٸ دونالد ترامپتىڭ ساياسي وداقتاسى ليندسي گرەم ٶز ٷيٸندە قايتىس بولدى. الدىن الا بولجام بويىنشا, ونىڭ ٶلٸمٸنە جٷرەك تالماسى سەبەپ بولۋى مٷمكٸن, دەپ حابارلادى NBC News تەلەارناسى.
تەلەارنانىڭ مەلٸمەتٸنشە, رەسپۋبليكاشىل ساياساتكەر ەرٸ اقش پرەزيدەنتٸ دونالد ترامپتىڭ جاقىن ساياسي سەرٸكتەسٸ ليندسي گرەم 71 جاستا بولعان. سەناتور كەڭسەسٸنٸڭ مەلٸمدەمەسٸندە ونىڭ «قىسقا ۋاقىتقا سوزىلعان ەرٸ كەنەتتەن بولعان سىرقاتتان» قايتىس بولعانى ايتىلعان.
«سەناتور گرەمنٸڭ وتباسى وسى ۋاقىتتا ول ٷشٸن دۇعا ەتۋدٸ سۇرايدى جەنە اسا اۋىر كەزەڭدە جەكە ٶمٸرگە قۇرمەتپەن قاراۋعا شاقىرادى», – دەلٸنگەن حابارلامادا.
ليندسي گرەم سەناتتىڭ بيۋدجەت كوميتەتٸن باسقارعان جەنە قاراشا ايىندا سەناتتاعى بەسٸنشٸ التى جىلدىق مەرزٸمٸنە سايلاۋعا تٷسكەن.
NBC News قول جەتكٸزگەن پوليتسييا راديوسىنىڭ اۋديوجازباسىنا سەيكەس, سەنبٸ كٷنٸ كەشكە جەدەل جەردەم قىزمەتكەرلەرٸ كاپيتوليي تٶبەسٸندەگٸ گرەمنٸڭ ٷيٸنەن تٷسكەن «جٷرەك تالماسى» تۋرالى شاقىرتۋعا بارعان.
«گرەم ۋكراينا استاناسى كيەۆكە جاساعان ساپارىنان ەندٸ عانا ورالعان ەدٸ. ول جۇما كٷنٸ ۋكراينا پرەزيدەنتٸ ۆلاديمير زەلەنسكييمەن كەزدەستٸ. ونىڭ ٶلٸمٸ رەسپۋبليكاشىل ەرٸپتەسٸ, سەناتور ميتچ ماككوننەلل اۋرۋحانادا جاتقان كەزدە بولدى. ٶتكەن ايدا فەلدشەرلەر ماككوننەلل تۇراتىن ٷيگە جٷرەگٸ توقتاپ قالعان ادام تۋرالى شاقىرتۋ بويىنشا بارعان», – دەپ حابارلادى تەلەارنا.
ليندسي گرەمنٸڭ ٶلٸمٸنە اقش پرەزيدەنتٸ دونالد ترامپ تا پٸكٸر بٸلدٸردٸ.
«سەناتور ليندسي گرەم, مەن بٸلەتٸن ەڭ ۇلى ادامدار مەن سەناتورلاردىڭ بٸرٸ ٶمٸردەن ٶتتٸ. ول ەردايىم ەڭبەك ەتتٸ جەنە ناعىز امەريكالىق پاتريوت بولدى. ليندسيدٸ قاتتى ساعىناتىن بولامىز. ٶتە قايعىلى», – دەپ جازدى ترامپ Truth Social ەلەۋمەتتٸك جەلٸسٸندە.
