Almatyda "Taza Qazaqstan" jalpyrespýblikalyq baǵdarlamasy jáne "Almaty – bizdiń ortaq úiimiz" qalalyq naýqany aiasynda qala turǵyndary arasynda ekologiialyq mádenietti arttyrýǵa baǵyttalǵan "Jarqyn kúz" naýqany bastalady. Aldaǵy kúnderi qalany kúzgi-qysqy kezeńge daiyndaýǵa erekshe nazar aýdarylady, dep habarlaidy Dalanews.kz.
18-24 qazan aralyǵynda Almatyda qala kóshelerinde, aýlalarda, qoǵamdyq keńistikterde jáne jol infraqurylymynyń boiynda aǵashtardy sanitarlyq óńdeý, qulaǵan japyraqtar men qoqystardy jinaý boiynsha aýqymdy jumystar josparlanǵan. Sondai-aq, Kishi Almaty, Esentai, Úlken Almaty, Qarǵaly, Boraldai, Jarbulaq, Tiksai jáne Úlken Almaty kanaly syndy ózender men sýlardyń jaǵalaýlaryn qoqystan tazartý josparlanýda.
Qalalyq kommýnaldyq qyzmetter men merdigerlik uiymdar jalpy uzyndyǵy 1 525 km aryq jelilerin tazartý boiynsha jumysty kúsheitedi, bul aryqtardyń bitelip qalýynyń aldyn alýǵa jáne jańbyr sýyn tiimdi burýǵa yqpal etedi. Tazalaý protsesine 1 myńnan astam arnaiy tehnika men 1,4 myń jol jumysshysy tartylatyn bolady, olar 5 myńnan astam aýla ýchaskelerin, júrý bólikteri men trotýarlardy retke keltiredi.
Aita keteiik, qorshaǵan ortany qaldyqtarmen, sonyń ishinde qatty turmystyq qaldyqtarmen lastaý máselesi megapolis úshin ózekti bolyp qala beredi. Tek aryq jelilerinen kommýnaldyq qyzmet qyzmetkerleri kún saiyn 250 m3 qoqys jinaidy.
Qala turǵyndarynyń qaýipsizdigin qamtamasyz etý jáne aǵashtar men úlken butaqtardyń qulaý qaýpin azaitý maqsatynda 3,7 myń aǵashty sanitarlyq kesý júrgiziledi, sondai-aq 460 apatty aǵash alynyp tastalady.
Sonymen qatar naýqan barysynda 1 454 konteinerlik alańdy sanitarlyq óńdeý jáne 32 myńnan astam kóshe jáne aýla ýrnalaryn tazalaý júrgiziledi. Qajet bolǵan jaǵdaida konteinerler jóndeledi jáne syrlanady.
Esterińizge sala keteiik, "Almaty – bizdiń ortaq úiimiz" naýqany qalalyq infraqurylymǵa degen qamqorlyqty damytýǵa jáne qala turǵyndary arasynda jańa ekologiialyq mádenietti qalyptastyrýǵa baǵyttalǵan.
