Olimpiada chempiony Eldos Smetov Aichi-Nagoiada (Japoniia) ótip jatqan Aziia oiyndarynyń finalynda jeńilip qaldy. Osylaisha, ol kúmis júldege ie boldy, dep habarlaidy dalanews.kz UOK-qa siltep.
Sportshy jarystan keiin tartysty kezdesýge baǵa berdi.
"Japoniialyq sportshymen buǵan deiin beldesip kórmegen edim. Óte tartysty kezdesý boldy. Bir sátte qate jiberip aldym. Ol sol múmkindigin utymdy paidalanyp, upai enshiledi. Eki jyl úzilisten keiin Aziia oiyndarynyń finalyna shyǵýdyń ózi úlken jetistik dep oilaimyn. Onyń ústine, alǵashqy beldesýimnen bastap ońai bolǵan joq. Týrnir kestesi de jeńil túsken joq. Koreia, Mońǵoliia jáne Taibei elderiniń myqty dziýdoshylarymen beldestim. Finalda sál sáttilik jetispedi. Áli de ýaqyt bar, myqty bolyp oralamyz. Eń basty maqsatymyz - Olimpiadada tarihty jańartý. Sonymen qatar, óz elimizde ótetin álem chempionaty bar. Óz jerimizde altyn medal jeńip alyp, elimizdiń ánuranyn shyrqatý maqsatymyz", - dedi ol.
