Búgin Túrkistan joǵary meditsina kolledjiniń uiymdastyrýymen «Kongress holl» kópsalaly kesheninde Túrkistan joǵary meditsina kolledjiniń birinshi kýrs stýdentterin stýdent qataryna qabyldaý rásimi ótkizildi. Jiynǵa kolledj stýdentteri men oqytýshylary jáne belsendi stýdentterdiń ata-analary qatysty, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Jańa oqý jyly barysynda oqýǵa túsken stýdentterdi quttyqtaý keshine arnaiy qonaqtar shyqyryldy. Túrkistan oblysy ákiminiń orynbasary Beisenbai Tájibaev, «AMANAT» partiiasy Túrkistan oblystyq filialy atqarýshy hatshysynyń orynbasary Polat Tursynbaev, Túrkistan oblystyq máslihatynyń depýtaty Ǵalymjan Elshibai, Túrkistan oblystyq bilim basqarmasy basshysynyń orynbasary Aigúl Qasymbekova stýdent jastarǵa bilim jolynda sáttilik tilep, bolashaq orta býyndy meditsina mamandaryn daiarlap otyrǵan bilim ordasyn 60 jyldyq mereitoiymen quttyqtady.
Saltanatty sharada Túrkistan oblystyq máslihatynyń qurmet gramotasymen «Emdeý isi» bóliminiń meńgerýshisi S.Abitaeva, himiia pániniń oqytýshysy M.Jaisanbaeva marapattalsa, Túrkistan oblysy ákiminiń orynbasary B.Tájibaevtyń alǵys hatymen №9 hirýrgiia jáne týystas pánder boiynsha TsÁK tóraiymy G.Amanbaeva, jalpy bilim berý bóliminiń meńgerýshisi D.Kýsembaeva marapattaldy. «AMANAT» partiiasynyń Túrkistan oblystyq filialynyń alǵys hatymen A.Nýrseitova, R.Altai, G.Amirova, Z.Nýrjigitova, M.Mýhanova jáne belsendi stýdentter B.Dúisenbek, Á.Qarjaýbaeva, A.Júzbolat, S.Azimov, O.Dastanov marapattaldy.
Túrkistan joǵary meditsina kolledji – 1965 jyly ashylǵan irgeli oqý oryndarynyń biri. Básekege qabiletti, biliktiligi joǵary, kásibi daǵdylardy meńgergen orta býyndy meditsina mamandaryn daiyndaýdy maqsat etken oqý orny «Feldsher», «Akýsher», «Jalpy praktikadaǵy meiirger», «Meditsinalyq laborant», «Farmatsevt», «Dantist» biliktiligi jáne meiirger isiniń «Qoldanbaly bakalavr» biliktiligi boiynsha mamandar daiarlaidy. Kókjiegi keń bilim ordasyn meditsina ǵylymdarynyń kandidaty, «Qurmet» ordeniniń iegeri Ǵalymjan Bimýrzaev basqarady. Qazaqstandaǵy aldyńǵy qatarly orta býyndy meditsina mamandaryn daiarlap otyrǵan 60 jyldyq tarihy bar oqý orny bilim berýdiń halyqaralyq innovatsiialyq tehnologiialaryn keńinen igerip keledi. 2024-2025 oqý jylyna 1-shi kýrsqa 600-ge jýyq stýdent qabyldandy.
Kolledj tolyqqandy materialdyq bazamen qamtamasyz etilgen, zamanaýi meditsinalyq quraldarmen jabdyqtalǵan. Stýdentterdiń klinikalyq oilaý qabiletin qalyptastyrý, kásibi qyzmetine quzirettiligin arttyrý maqsatynda kolledjde hirýrgiia, terapiia, akýsheriia jáne meiirbike isi boiynsha simýliatsiialyq ortalyqtar jumys isteidi.
Sonymen qatar kolledjdiń anatomiialyq murajaiy, fitobar, elektrondy oqý zaly, oqý dárihanasy, zamanǵa sai stomatologiialyq klinikasy, sport kesheni jáne 300 oryndyq jataqhanasy bar.
