بۇگىن تۇركىستان جوعارى مەديسينا كوللەدجىنىڭ ۇيىمداستىرۋىمەن «كونگرەسس حولل» كوپسالالى كەشەنىندە تۇركىستان جوعارى مەديسينا كوللەدجىنىڭ ءبىرىنشى كۋرس ستۋدەنتتەرىن ستۋدەنت قاتارىنا قابىلداۋ ءراسىمى وتكىزىلدى. جيىنعا كوللەدج ستۋدەنتتەرى مەن وقىتۋشىلارى جانە بەلسەندى ستۋدەنتتەردىڭ اتا-انالارى قاتىستى، دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.
جاڭا وقۋ جىلى بارىسىندا وقۋعا تۇسكەن ستۋدەنتتەردى قۇتتىقتاۋ كەشىنە ارنايى قوناقتار شىقىرىلدى. تۇركىستان وبلىسى اكىمىنىڭ ورىنباسارى بەيسەنباي تاجىبايەۆ، «اMANAT» پارتياسى تۇركىستان وبلىستىق فيليالى اتقارۋشى حاتشىسىنىڭ ورىنباسارى پولات تۇرسىنبايەۆ، تۇركىستان وبلىستىق ءماسليحاتىنىڭ دەپۋتاتى عالىمجان ەلشىباي، تۇركىستان وبلىستىق ءبىلىم باسقارماسى باسشىسىنىڭ ورىنباسارى ايگۇل قاسىمبەكوۆا ستۋدەنت جاستارعا ءبىلىم جولىندا ساتتىلىك تىلەپ، بولاشاق ورتا بۋىندى مەديسينا ماماندارىن دايارلاپ وتىرعان ءبىلىم ورداسىن 60 جىلدىق مەرەيتويىمەن قۇتتىقتادى.
سالتاناتتى شارادا تۇركىستان وبلىستىق ءماسليحاتىنىڭ قۇرمەت گراموتاسىمەن «ەمدەۋ ءىسى» ءبولىمىنىڭ مەڭگەرۋشىسى س.ابيتايەۆا، حيميا ءپانىنىڭ وقىتۋشىسى م.جايسانبايەۆا ماراپاتتالسا، تۇركىستان وبلىسى اكىمىنىڭ ورىنباسارى ب.تاجىبايەۆتىڭ العىس حاتىمەن №9 حيرۋرگيا جانە تۋىستاس پاندەر بويىنشا ساك ءتورايىمى گ.امانبايەۆا، جالپى ءبىلىم بەرۋ ءبولىمىنىڭ مەڭگەرۋشىسى د.كۋسەمبايەۆا ماراپاتتالدى. «اMANAT» پارتياسىنىڭ تۇركىستان وبلىستىق فيليالىنىڭ العىس حاتىمەن ا.نۋرسەيتوۆا، ر.التاي، گ.اميروۆا، ز.نۋرجيگيتوۆا، م.مۋحانوۆا جانە بەلسەندى ستۋدەنتتەر ب.دۇيسەنبەك، ءا.قارجاۋبايەۆا، ا.ءجۇزبولات، س.ازيموۆ، و.داستانوۆ ماراپاتتالدى.
ەڭ الدىمەن كوللەدج جاستارى «رۋح» انىنە فلەشموب كورسەتتى. كوللەدج تابالدىرىعىن العاش اتتاپ وتىرعان ستۋدەنتتەر جاستار ءۇشىن «كونگرەسس حولل» كوپسالالى كەشەنىنىڭ ارتىستەرى كونسەرتىك باعدارلاماسىن ۇسىندى. سوڭىندا تۇركىستان جوعارى مەديسينا كوللەدجىنىڭ ءانۇرانى شىرقالدى.
تۇركىستان جوعارى مەديسينا كوللەدجى – 1965 جىلى اشىلعان ىرگەلى وقۋ ورىندارىنىڭ ءبىرى. باسەكەگە قابىلەتتى، بىلىكتىلىگى جوعارى، كاسىبي داعدىلاردى مەڭگەرگەن ورتا بۋىندى مەديسينا ماماندارىن دايىنداۋدى ماقسات ەتكەن وقۋ ورنى «فەلدشەر»، «اكۋشەر»، «جالپى پراكتيكاداعى مەيىرگەر»، «مەديسينالىق لابورانت»، «فارماسيەۆت»، «دانتيست» بىلىكتىلىگى جانە مەيىرگەر ءىسىنىڭ «قولدانبالى باكالاۆر» بىلىكتىلىگى بويىنشا ماماندار دايارلايدى. كوكجيەگى كەڭ ءبىلىم ورداسىن مەديسينا عىلىمدارىنىڭ كانديداتى، «قۇرمەت» وردەنىنىڭ يەگەرى عالىمجان بيمۋرزايەۆ باسقارادى. قازاقستانداعى الدىڭعى قاتارلى ورتا بۋىندى مەديسينا ماماندارىن دايارلاپ وتىرعان 60 جىلدىق تاريحى بار وقۋ ورنى ءبىلىم بەرۋدىڭ حالىقارالىق يننوۆاسيالىق تەحنولوگيالارىن كەڭىنەن يگەرىپ كەلەدى. 2024-2025 وقۋ جىلىنا 1ء-شى كۋرسقا 600-گە جۋىق ستۋدەنت قابىلداندى.
كوللەدج تولىققاندى ماتەريالدىق بازامەن قامتاماسىز ەتىلگەن، زاماناۋي مەديسينالىق قۇرالدارمەن جابدىقتالعان. ستۋدەنتتەردىڭ كلينيكالىق ويلاۋ قابىلەتىن قالىپتاستىرۋ، كاسىبي قىزمەتىنە قۇزىرەتتىلىگىن ارتتىرۋ ماقساتىندا كوللەدجدە حيرۋرگيا، تەراپيا، اكۋشەريا جانە مەيىربيكە ءىسى بويىنشا سيمۋلياسيالىق ورتالىقتار جۇمىس ىستەيدى.
سونىمەن قاتار كوللەدجدىڭ اناتوميالىق مۇراجايى، فيتوبار، ەلەكتروندى وقۋ زالى، وقۋ ءدارىحاناسى، زامانعا ساي ستوماتولوگيالىق كلينيكاسى، سپورت كەشەنى جانە 300 ورىندىق جاتاقحاناسى بار.
