وتان قورعاۋشىلار كٷنٸنە وراي جاركەنت قالاسىنىڭ ورتالىق الاڭىندا ٶتكەن مەرەكەلٸك شارادا ەرەكشە وقيعا بولدى. 18 جاستاعى راحات قابىلجان كٷتپەگەن سىيلىققا يە بولىپ, مەرزٸمدٸ ەسكەري قىزمەتكە جولداما ۇتىپ الدى, دەپ حابارلايدى dalanews.kz.
ۇيىمداستىرۋشىلاردىڭ ايتۋىنشا, مۇنداي باستاما جاستاردىڭ ەسكەرگە دەگەن قىزىعۋشىلىعىن ارتتىرىپ, ەسكەري قىزمەتتٸڭ ماڭىزىن ناسيحاتتاۋ ماقساتىندا قولعا الىنعان.
جاس جٸگٸتتٸڭ ٶزٸ بۇل جاڭالىقتى ٷلكەن قۋانىشپەن قابىلداعانىن ايتادى. ونىڭ سٶزٸنشە, ەسكەرگە بارۋ – بالا كٷننەن بەرگٸ ارمانى.
"شەكاراعا جاقىن اۋداندا ٶستٸم. ەسكەري فورماداعى ادامداردى كٶرٸپ ٶستٸك. ەسكەردە جٷرگەن اعالارىمىز بەن تانىستارىمىزعا قىزىعىپ قارايتىنمىن. سوندىقتان بۇل مەن ٷشٸن ەرەكشە مٷمكٸندٸك بولدى", – دەدٸ راحات قابىلجان.
ال اۋداندىق قورعانىس ٸستەرٸ بٶلٸمٸنٸڭ باسشىسى سەرٸك اسانوۆ جەڭٸمپازعا ٶزٸ تاڭداعان ەسكەري بٶلٸمدە قىزمەت ەتۋگە مٷمكٸندٸك بەرٸلەتٸنٸن جەتكٸزدٸ.
ايتا كەتەيٸك, سوڭعى جىلدارى ەلٸمٸزدە جاستاردىڭ ەسكەري قىزمەتكە قىزىعۋشىلىعىن ارتتىرۋ باعىتىندا تٷرلٸ پاتريوتتىق جوبالار مەن اكتسييالار ۇيىمداستىرىلىپ كەلەدٸ.
