Sizdiń ne sasqanyńyz «keshirim surap», álde búlikti, arandatýdy bastaǵan siz be?
Sizdiń myna esh sebepsiz keshirim suraý týrasynda aitqan oiyńyz bir anekdotty eske túsirip otyr.
Alasa boily, kishkentai deneli qazaq óz úiinde syrtqy esikti ashyp qoiyp, kireberis dálizde eńkeiip aiaq kiiminiń baýyn bailap jatsa, artynan kelip maily quiryqtan bir tepken ǵoi. Sodan álgi qazaq «úidiń qojaiyny ózim, kim artymnan teýip, meni óz shańyraǵymda» dep ashýǵa býlyǵyp artynda turǵan adamnyń jaǵasyna jabysa ketse, ol qarsy úidegi uzyn boily, sportshy orys eken.
Sonda quqaidan kóz ashpaǵan qazaq sasyp qalyp jaǵasynan qolyn jibere salyp, «Quiryǵym aiaǵyńyzǵa tiip ketkeni úshin keshirim suraimyn» depti. Bul tek kúlkili áńgime, al siz Gúljan Erǵalieva dál osyndai jaǵdaidy ómirde qaitalap, elge kúlkige qaldyryp tursyz!
Gúljan apa, Qazaq halqy dúngenderden ne úshin keshirim suraýy kerek?!
Álde anekdottaǵydai, «Aqsaqalymyzdyń basy senderge tiip ketipti, keshirińder» deimiz be?!
Siz halyq atynan sóilemeńiz. Qazaq halqynyń atynan sóileýińiz úshin eń qurmaǵanda qazaq tilin bilýińiz kerek. Jurt sizdiń qazaq tilin bilmeitinińizdi jaqsy biledi. Demek sizdiń halyq atynan bir aýyz sóz aitýǵa haqyńyz joq.
Dúngenderge janyńyz ashysa otbasyńyz bolyp tikelei efir arqyly dúngenderden keshirim surai berińiz! Bul iske eldi aralastyrmaǵyz.
«Qazaq halqy dunǵandardan keshirim suraýy kerek» dep aitqanyńyz ne sasqanyńyz? Sizdiń bul oiyńyzben kelispeimiz. Osy sózińizben memleketti quraýshy, iaǵni, titýldyq ult qazaq halqynyń bedelin túsirip, namys aiaqqa taptap turǵanyńyzdy bilesiz be?
Talǵat QATAÝOV, Táýelsiz kásipodaqtar uiymy tóraǵasy.
Oral qalasy.
