Ǵalymdarymyz quramynda GMO qospalary bar janýarlar azyǵynyń ziianyn anyqtady
Ǵylymi-zertteý jumysyna jetekshilik jasaǵan biologiia ǵylymdarynyń kandidaty Z.A. Latypova bastaǵan izdenýshiler birqatar janýarlar azyǵyn zerttep, quramynda genetikalyq modifikatsiialanǵan qospalary bar azyqtardy aq tyshqandarǵa berip, tájiribe jasaǵan. Ǵalymdar aq tyshqandar mundai azyqty udaiy tutynǵan jaǵdaida kóbeiý úrdisi, biohimiialyq, gematologiialyq, patomorfologiialyq jáne gistologiialyq kórsetkishteri qanshalyqty ózgeriske ushyraitynyn baqylapty.
Zertteý barysynda quramynda GMO qospalary bar janýarlar azyǵy tirshilik ieleriniń reprodýktivti damý úshin qanshalyqty toksindi zattar bar ekenine kóz jetkizildi. GMO azyqtardy tutynǵan aq tyshqandardyń besinshi urpaǵynyń boiynda aitarlyqtai aýytqýlar paida bolǵan.
Aitalyq, aq tyshqandar birneshe shaqalaǵyn óli týǵan. Sondai-aq, ómirge tiri kelgen bala tyshqandardyń túri qubyjyqqa uqsap, qalypty salmaqtarynda aýytqýlar paida bolǵan. Osylaisha otandyq ǵalymdar quramynda GMO qospalary bar janýarlar azyǵy tirshilik ieleriniń organizimine keri áser etetinin ǵylymi turǵydan dáleldep berdi.
Qazaq veterinariia ǵylymi-zertteý instiýty ǵalymdary júrgizgen ǵylymi zertteý jumystarynyń qorytyndylary azyq-túlik ónimderiniń sapasyn baqylaityn qadaǵalaýshy organdarǵa tapsyrylǵan. Olar túrli azyqtyq ónimderge saraptama jasaǵanda osy ǵylymi jumystyń qorytyndysyn basshylyqqa alyp, áreket etýi tiis.
