Forýmnyń maqsaty qazirgizamanǵy jaǵdaılarda TMD elderindegi úzdiksiz pedagogıkalyq bilim berý jáne pedagogıkalyq kadrlardy daıarlaý júıesin talqylaý, úzdiksiz pedagogıkalyq bilim berý salasynda ǵylym men ınovasıalardy qoldaýdaǵy yntymaqtastyqtyń negizgi baǵyttaryn júzege asyrý úshin memleketaralyq alańdy odan ári damytý bolyp tabylady.
[caption id="attachment_38677" align="alignright" width="250"]
Takır Balyqbaev[/caption]
İs-sharaǵa QR Bilim jáne ǵylym vıse-mınıstri, Eýrazıalyq pedagogıkalyq ýnıversıtetter qaýymdastyǵynyń quramyndaǵy ýnıversıtetterdiń rektorlary, Abaı atyndaǵy QazUPÝ-diń sheteldik seriktes joǵary oqýoryndarynyń (Fransıa, AQSH, Ulybrıtanıa, Avstrıa, Polsha, Chehıa, Japonıa, Túrkıa, Ýkraına t.b.) rektorlary men profesorlary, ǵalymdar, TMD jáne Qazaqstannyń joǵary oqý oryndarynyń oqytýshylary, Abaı atyndaǵy QazUPÝ profesor-oqytýshylar quramy men doktoranttary qatysty.
Óz kezeginde rektor Takır Balyqbaev, QR Bilim jáne ǵylym vıse-mınıstri Ashat Aımaǵambetov jáne sheteldik joǵary oqý oryndarynyń rektorlary quttyqtaý sóz sóıledi. Forýmdy rektor Takır Balyqbaev ashyp, Eýrazıalyq pedagogıkalyq ýnıversıtetter qaýymdastyǵynyń halyqaralyq forýmynyń mańyzdylyǵyn atap ótti. Bilim jáne ǵylym vıse-mınıstri Ashat Aımaǵambetov rektor men ýnıversıtet qyzmetkerlerin, forýmnyń barlyq qatysýshylaryn Abaı atyndaǵy QazUPÝ-diń aldaǵy mereıtoıymen quttyqtap, Bilim jáne ǵylym mınıstri Erlan Saǵadıevtiń atynan quttyqtady.
[caption id="attachment_38678" align="alignleft" width="250"]
Ashat Aımmaǵambetov[/caption]
– Qazaqstan Respýblıkasynyń jetekshi pedagogıkalyq joǵary oqý ornynyń 90-jyldyǵy qarsańynda ótip otyrǵan forým joǵary mektep jáne oqýoryndary oqytýshylary úshin asa mańyzdy shara ekenin atap aıtýǵa bolady. Ásirese qazirgi ýaqyttaǵy elimizdegi joǵary mektepter men joǵary bilim berý salasyndaǵy ózgerister engizilý kezeńinde. Abaı atyndaǵy QazUPÝ men Máskeý pedagogıkalyq ýnıversıtetiniń bastamalary boıynsha Eýrazıalyq pedagogıkalyq ýnıversıtetterdiń qaýymdastyǵynyń qurylýy óte mańyzdy qadam bolyp tabylady. Bul EEO elderindegi bilim jáne ǵylym salasyndaǵy ıntegrasıaǵa baǵyttalǵan birinshi memleketaralyq qoǵamdyq uıym. Eýrazıalyq qaýymdastyqtyń qyzmeti ǵylym jáne bilim berý gýmanıtarlyq keńistigin tabysty qalyptastyrýǵa, ulttyq mádenıetterdi ózara baıytýǵa, bizdiń elderimiz arasyndaǵy baılanystardy damytyp, nyǵaıtýǵa yqpal etetinine senimdimin, – degen vıse-mınıstr sóziniń sońynda ýnıversıtettiń damýyna shyǵarmashylyq tabystar men jańa jetistikter tiledi.
Forým jumysynegizgi bes baǵytboıynshajúrgizildi:
- Qazirgi úzdiksiz pedagogıkalyq bilim berýdegi dástúr men jańashyldyq;
- Joǵary pedagogıkalyq bilim berýdegi qazirgi ulttyq ǵylymı mektepter;
- Zamanaýı ustazdyń kásibı deńgeıde ósý júıesindegi úzdiksiz pedagogıklyq bilim berýdiń róli;
- Jańartylǵan bilim mazmuny boıynsha mektep pen joǵary oqý oryndarynda pánderdi oqytý ádistemesi;
- Bilim júıesine jańa sandyq jáne aqparattyq tehnologıalardy engizý negizinde pedagogıkalyq kadrlardy daıarlaý.
Halyqaralyq forým barysynda úzdiksiz pedagogıkalyq bilim berý máselelerin birlesip talqylaýǵa EAEB elderinen jetekshi ǵalymdardy tartý; álemdik bilim berý keńistigine yqpaldasýdyń negizgi máseleleri boıynsha úzdiksiz ǵylymı dıalogty qamtamasyz etý; ulttyq bilim berý júıeleri men joǵary pedagogıkalyq bilim berýdiń negizgi úrdisteri men negizgi oqıǵalaryn anyqtaý; úzdiksiz pedagogıkalyq bilimdi damytý boıynsha strategıalyq usynystar men usynystardy ázirleý; EAEB elderiniń arasynda joǵary pedagogıkalyq bilim berý sapasyn joǵarylatý salasynda ózara árekettesýdiń tıimdi modelderin ázirleýge járdemdesý; EPÝQ ımıjin odan ári qalyptastyrý jáne nyǵaıtý; sheteldik ǵylymı almasýdy keńeıtý jáne pedagogıkalyq joǵary oqý oryndarynyń ózara is-qımyly máseleleri talqylandy.
Forým qatysýshylarynyń pikirinshe, Eýrazıalyq pedagogıkalyq ýnıversıtetter qaýymdastyǵynyń halyqaralyq forým jumysy nátıjeli jáne joǵary deńgeıde ótti.
Rımma JANBAEVA
