Abai atyndaǵy QazUPÝ-de Rektorlary keńesiniń májilisi ótti
Májilis QR Bilim jáne ǵylym ministrligi men Abai atyndaǵy Qazaq ulttyq pedagogikalyq ýniversitetiniń uiymdastyrýymen ótkizildi.
Is-sharaǵa QR Bilim jáne ǵylym ministrliginiń ókilderi, Eýraziialyq ýniversitetter qaýymdastyǵynyń vitse-prezidenti, Qazaqstan Respýblikasy Joǵary oqý oryndarynyń Rektorlar keńesiniń tóraǵasy, Eýraziia ulttyq ýniversitetiniń rektory Erlan Sydyqov, Almaty aimaǵy JOO Rektorlar keńesiniń tóraǵasy, Abai atyndaǵy QazUPÝ rektory Takir Balyqbaev, QR Rektorlar keńesiniń músheleri, Qazaqstannyń jáne Almaty qalasynyń JOO rektorlary, jaqyn jáne alys shetel ýniversitetteriniń rektorlary qatysty.
Rektorlar keńesiniń májilisi Abai atyndaǵy Qazaq ulttyq ýniversitetiniń 90-jyldyq mereitoiy aiasynda ótkizilip otyrǵandyqtan, QR JOO Rektorlary keńesiniń tóraǵasy ýniversitettiń rektory Takir Balyqbaevty jáne ujymyn ýniversitettiń mereitoiymen quttyqtady.
– Ýniversitettiń qalyptasý jáne damý jolynda QazUPÝ barlyq qyzmet túrinde úlken jetistikterge jetti, ol Qazaqstannyń qoǵamdyq ómiriniń intellektýaldy, rýhani, bilim, ǵylymi jáne mádeni ortalyǵy bolyp tabylady, bul ýniversitettiń búkil ujymynyń zor úlesi dep bilemiz, – dedi Qazaqstannyń JOO Rektorlary keńesiniń tóraǵasy.
Erlan Sydyqov óz sózinde barlyq mamandyqtar boiynsha oqý úrdisine engiziletin pánaralyq daiyndyqqa, sondai-aq, stýdentterdiń óz bilimin eki baǵyt: pánderdi tereńdetip jáne qosymsha damytý boiynsha qalyptastyrýǵa quqyǵy bar ekendigine erekshe toqtaldy.
Májilis barysynda joǵary bilim sapasyn arttyrýǵa jáne básekege qabiletti mamandardy daiarlaýǵa baǵyttalǵan taqyryptar M. Áýezov atyndaǵy Ońtústik Qazaqstan memlekettik ýniversitetiniń rektory,professor Dariia Qojamjarovanyń, Slýpsk qalasyndaǵy Pomor akademiiasynyń rektory Zbignev Osadovskiidiń (Polsha), INALCO prezidenti Maniýelia Franktiń (Frantsiia), Pedagogikalyq ýniversitettiń qurmetti rektory Hans Shahldiń (Avstriia) baiandamalarynda jalǵasyn tapty.
Rektorlar keńesiniń májilisinde Qazaqstandaǵy joǵary bilimniń básekege qabilettiligin saqtaý men arttyrý jáne TMD elderindegi úzdiksiz joǵary bilim berýdiń ulttyq modelin jetildirý máseleleri talqylandy.
Is-shara aiaqtalǵannan keiin rektorlar men sheteldik joǵary oqý oryndarynyń ókilderi rektor Takir Balyqbaev pen QazUPÝ ujymyn mereitoiymen quttyqtap, qundy syilyqtaryn tabys etti. Májilis Abai atyndaǵy QazUPÝ-dyń 90 jyldyǵyna orai mereitoilyq marapattardy tabystaý saltanatty rásimimen aiaqtaldy.
Rimma JANBAEVA
