2024 jyldyń 24 sáýirinde «QazaqGeography» bastamasymen elimizde alǵash ret Qazaqstannyń alǵashqy geografiialyq diktanty ótti. Respýblikalyq is-sharaǵa bir ýaqytta el boiynsha on uiym qatysty.
Atalmysh sharanyń maqsaty – geografiialyq bilimdi nasihattaý jáne elimizdiń turǵyndary men qonaqtary arasynda Qazaqstan geografiiasyn zertteýge qyzyǵýshylyqty arttyrý.
Geografiialyq diktant qatysýshylardyń oilaý qabiletin damytyp, geografiialyq bilim berýdi júieleidi. Sonymen qatar, bul sharaǵa qatysý - bilim berý mekemeleri men qoǵamdyq uiymdardyń elimizdegi bilimi men mádenietin damytýdaǵy belsendi rólin kórsetedi.
Diktant offlain formatynda ótip, munda árbir qatysýshy qazaq jáne orys tilderinde elimizdiń geografiiasy boiynsha bilimin tekserýge múmkindik aldy.
Diktant anonimdi ótip, tirkelý kezinde árbir qatysýshyǵa onyń nátijesin bilýge bolatyn biregei kod berildi. 2024 jyldyń 26 sáýirinde nátijeler «QazaqGeography» Instagram akkaýntynda sáikestendirý nómirleri boiynsha jariialanady. Shara sońynda barlyq qatysýshylarǵa «QazaqGeography» sertifikattary men jýrnaldary tabys etildi.
Sharaǵa kelesi joǵary oqý oryndary men geografiialyq uiymdary qatysyp, geodiktantty ótkizýge múmkindik beretin aimaqtyq alańǵa ainaldy: Ál-Farabi atyndaǵy Qazaq ulttyq ýniversiteti, L.Gýmilev atyndaǵy Eýraziia Ulttyq ýniversiteti, Á.Marǵulan atyndaǵy Pavlodar pedagogikalyq ýniversiteti, Álihan Bókeihan atyndaǵy ýniversitet, Shákárim atyndaǵy Semei ýniversiteti, Ahmet Baitursynuly atyndaǵy Qostanai óńirlik ýniversiteti, Q.Jubanov atyndaǵy Aqtóbe óńirlik ýniversiteti, akademik E.A. Bóketov atyndaǵy Qaraǵandy ýniversiteti, Pavlodar Geografiia Úii men «QazaqGeography» keńsesi.
Osy ýniversitetter men uiymdardyń aýditoriialarynda Qazaqstan geografiiasy boiynsha bilim jarystyrý úshin barlyq jastaǵy 100-den astam qatysýshylary jinaldy.
«Biz Qazaqstannyń Geografiialyq diktanty ideiasynyń osyndai qyzyǵýshylyqqa ie bolǵanyna jáne elimizdiń geografiiasyna qumar túrli jastaǵy adamdardy biriktirgenine qýanyshtymyz. Bizdiń maqsatymyz – geografiiaǵa degen qyzyǵýshylyqty arttyryp, odan da kóp azamattardyń biregei muramyzdy tanyp, súiýine múmkindik berý», – dedi «QazaqGeography» RQB Basqarma Tóraiymy Áigerim Musaǵajinova.
