Eldiń igiligin kózdegen Úndeý
Nursultan Nazarbaevtyń jańa áleýmettik bastamalary qoǵamymyzdyń áleýmettik birligin nyǵaitý men árbir qazaqstandyqtyń ál-aýqatyn jaqsartýǵa baǵyttalǵany ár sala mamandary úshin jan-jaqty zerdelengen mańyzdy qujat dep bilemiz. Osy bastamalardy júzege asyrý baǵytynda halyq bolyp aýqymdy qadam jasaýǵa daiyn bolýymyz kerek.
Bes bastamanyń ózektiligimen, strategiialyq sipatymen erekshelengen úshinshi bastama – «Joǵary bilim alýdyń qoljetimdiligi men sapasyn arttyryp, stýdent jastardyń jataqhanadaǵy jaǵdaiyn jaqsartý». Bul bastama elimizdegi Tórtinshi ónerkásiptik revoliýtsiia jaǵdaiyndaǵy jańa ekonomikada úlken suranysqa ie bolatyn aqparattyq tehnologiialar, robototehnika, nano-tehnologiia salalardaǵy joǵary bilikti mamandardy daiarlaýǵa barlyq jaǵdai jasaýǵa baǵyttalǵan. El bolashaǵyn jetildiretin bilim salasyna degen Prezidentimizdiń qoldaýy men qamqorlyǵy jastarǵa, olarǵa bilim nárimen qamtyp otyrǵan ustazdarǵa talpynys beredi.Búgingi tańda zamanaýi ǵylym tili – aǵylshyn tili ekendigin eskere otyryp, úshtildilik máselesinde qolǵa alyp otyr. Sondyqtan mektep ustazdary men oqýshylardyń til meńgerýi – kezek kúttirmeitin ýaqyt talaby.
Muǵalimderdiń eleýli eńbegine laiyqty baǵa berip, biliktiligin jetildirý arqyly mártebesin kóterip otyrsa, keleshek urpaqtyń básekege qabilettiligin arttyrady dep oilaimyn. Osyndai aýqymdy mindetterdi alǵa qoiyp otyrǵan Elbasynyń Úndeýin muǵalimniń mártebesin kóterýdegi, el ál-ahýalyn jaqsartý men qoǵamdy qoldaýdaǵy naqty qadam dep sanaimyn.
Bibigúl QASBAQOVA, №141 jalpy bilim beretin mektep direktorynyń oqý isi jónindegi orynbasary.
Almaty qalasy.
