Qazyǵurt aýdany 70 paiyz gazben qamtylady
Sondai-aq, aýdandaǵy barlyq eldi mekenniń 42-si aýyz sý qubyrymen qamtylyp otyr. 2018 jyly Sharaphana aýyly men 7 eldi meken aýyz sýmen qamtamasyz etilip, 10 nysanǵa jóndeý jumystary júrgizilmek.
Budan bólek, ótken jyly aýdandaǵy jalpy óńirlik ónim kólemi 7,6 paiyzǵa artyp, 97,9 mlrd. teńgeni quraǵan. Ótken jyly óńirde 30 shaǵyn joba iske qosylyp, 253 adam turaqty jumyspen qamtylypty.
– 2018 jyly jalpy quny 1089,2 mln. teńgeni quraityn 32 shaǵyn jobalardy júzege asyrý josparlanýda. Aǵymdaǵy jyldyń 3 aiynyń ózinde 8 shaǵyn joba iske asyrylyp, 124 adam jumys taýyp otyr. Aǵymdaǵy jyly aýdanda 2 shaǵyn óndiris ornyn iske asyrý josparlanǵan. Atap aitqanda, «Qazyǵurt aina» JShS-niń «Suiyq shyny shyǵarý» tsehy men «Unifrutti gold» JShS-niń «Jemister men kókónisterdi óńdeý arqyly dietalyq piýreler shyǵarý» jobalary, – dedi Tólegen Turtaiuly
Elbasymyzdyń «Biznestiń jol kartasy 2020» baǵdarlamasy aiasynda aýdan kóleminde qazirgi tańda 16 ónerkásip oryndary jumys istep tur. Aǵymdaǵy jyldyń 2 aiynda óndirilgen ónerkásip óniminiń kólemi 995,7 mln. teńgeni qurap, naqty kólem indeksi 103,9 paiyzǵa jetken.
– Aýdannyń 2016-2020 jyldarǵa arnalǵan áleýmettik-ekonomikalyq damý baǵdarlamasyna sáikes, 2018 jyly ónerkásip óniminiń kólemin 6473,3 mln. teńgege jetkizý mejelenip otyr. Sondai-aq, esepti jyldyń qorytyndysy boiynsha aýdandaǵy aýyl sharýashylyǵynyń jalpy ónim kólemi 31 641,8 mln. teńgege jetip, naqty kólem indeksi 101 paiyzdy quraǵan. Óńirdegi 330 usaq sharýa qojalyqtary 21 kooperativke biriktirildi, – dedi Tólegen Telǵaraev
Aýdan ákiminiń málimdeýinshe, «Nurly jer» baǵdarlamasy aiasynda «Bolashaq» móltek aýdanynan 16 páterli 4 turǵyn úi aǵymdaǵy jyly paidalanýǵa beriledi. Biyl jergilikti biýdjet esebinen Atbulaq eldi mekeninde 17 páterli qyzmettik turǵyn úidiń qurylysy júrgiziletin bolady.
Al «Nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan» baǵdarlamasy aiasynda aǵymdaǵy jyldyń úsh aiynda 1202 azamat baǵdarlamaǵa qatysyp, jyldyq jospar 30 paiyzǵa oryndalyp otyr.
OQO ákiminiń baspasóz qyzmeti
