وڭتۇستىك قازاقستان وبلىسى قازىعۇرت اۋدانىنىنداعى 64 ەلدى مەكەننىڭ قازىرگى تاڭدا 56،3 پايىزى تابيعي گازعا قوسىلعان. بۇگىندە قۇرىلىسى اياقتالعان 9 ەلدى مەكەنگە تابيعي گاز قوسۋ جۇمىستارى جۇرگىزىلۋدە. بيىل جالپى اۋدان بويىنشا 45 ەلدى مەكەن تابيعي گاز جۇيەسىمەن قامتىلىپ، كورسەتكىش 70،3 پايىزدى قۇرايتىن بولادى. بۇگىن بۇل تۋرالى وقو وڭىرلىك كوممۋنيكاسيالار قىزمەتىندە وتكەن بريفينگتە قازىعۇرت اۋدانىنىڭ اكىمى تولەگەن تەلعارايەۆ ءمالىم ەتتى.



سونداي-اق، اۋدانداعى بارلىق ەلدى مەكەننىڭ 42ء-سى اۋىز سۋ قۇبىرىمەن قامتىلىپ وتىر. 2018 جىلى شاراپحانا اۋىلى مەن 7 ەلدى مەكەن اۋىز سۋمەن قامتاماسىز ەتىلىپ، 10 نىسانعا جوندەۋ جۇمىستارى جۇرگىزىلمەك.

بۇدان بولەك، وتكەن جىلى اۋدانداعى جالپى وڭىرلىك ءونىم كولەمى 7،6 پايىزعا ارتىپ، 97،9 ملرد. تەڭگەنى قۇراعان. وتكەن جىلى وڭىردە 30 شاعىن جوبا ىسكە قوسىلىپ، 253 ادام تۇراقتى جۇمىسپەن قامتىلىپتى.

– 2018 جىلى جالپى قۇنى 1089،2 ملن. تەڭگەنى قۇرايتىن 32 شاعىن جوبالاردى جۇزەگە اسىرۋ جوسپارلانۋدا. اعىمداعى جىلدىڭ 3 ايىنىڭ وزىندە 8 شاعىن جوبا ىسكە اسىرىلىپ، 124 ادام جۇمىس تاۋىپ وتىر. اعىمداعى جىلى اۋداندا 2 شاعىن ءوندىرىس ورنىن ىسكە اسىرۋ جوسپارلانعان. اتاپ ايتقاندا، «قازىعۇرت اينا» ءجشس-نىڭ «سۇيىق شىنى شىعارۋ» سەحى مەن «Unifrutti gold» ءجشس-نىڭ «جەمىستەر مەن كوكونىستەردى وڭدەۋ ارقىلى ديەتالىق پيۋرەلەر شىعارۋ» جوبالارى، – دەدى تولەگەن تۇرتاي ۇلى

ەلباسىمىزدىڭ «بيزنەستىڭ جول كارتاسى 2020» باعدارلاماسى اياسىندا اۋدان كولەمىندە قازىرگى تاڭدا 16 ونەركاسىپ ورىندارى جۇمىس ىستەپ تۇر. اعىمداعى جىلدىڭ 2 ايىندا وندىرىلگەن ونەركاسىپ ءونىمىنىڭ كولەمى 995،7 ملن. تەڭگەنى قۇراپ، ناقتى كولەم يندەكسى 103،9 پايىزعا جەتكەن.

– اۋداننىڭ 2016-2020 جىلدارعا ارنالعان الەۋمەتتىك-ەكونوميكالىق دامۋ باعدارلاماسىنا سايكەس، 2018 جىلى ونەركاسىپ ءونىمىنىڭ كولەمىن 6473،3 ملن. تەڭگەگە جەتكىزۋ مەجەلەنىپ وتىر. سونداي-اق، ەسەپتى جىلدىڭ قورىتىندىسى بويىنشا اۋدانداعى اۋىل شارۋاشىلىعىنىڭ جالپى ءونىم كولەمى 31 641،8 ملن. تەڭگەگە جەتىپ، ناقتى كولەم يندەكسى 101 پايىزدى قۇراعان. وڭىردەگى 330 ۇساق شارۋا قوجالىقتارى 21 كووپەراتيۆكە بىرىكتىرىلدى، – دەدى تولەگەن تەلعارايەۆ

اۋدان اكىمىنىڭ مالىمدەۋىنشە، «نۇرلى جەر» باعدارلاماسى اياسىندا «بولاشاق» مولتەك اۋدانىنان 16 پاتەرلى 4 تۇرعىن ءۇي اعىمداعى جىلى پايدالانۋعا بەرىلەدى. بيىل جەرگىلىكتى بيۋدجەت ەسەبىنەن اتبۇلاق ەلدى مەكەنىندە 17 پاتەرلى قىزمەتتىك تۇرعىن ءۇيدىڭ قۇرىلىسى جۇرگىزىلەتىن بولادى.

ال «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان» باعدارلاماسى اياسىندا اعىمداعى جىلدىڭ ءۇش ايىندا 1202 ازامات باعدارلاماعا قاتىسىپ، جىلدىق جوسپار 30 پايىزعا ورىندالىپ وتىر.

 

وقو اكىمىنىڭ باسپا ءسوز قىزمەتى