Bul 25 jastaǵy Maqtaaral aýdanynyń turǵynynyń úshinshi ret qursaq kóterýi. Ul men qyzdyń anasy bes balasy bolatynyn júktiliginiń alǵashqy aptasynda bilgen. 35 aptada, ıaǵnı aıy-kúni tolmaı týylǵan sábılerdiń ókpesi durys damymaı týylǵan nárestelerdiń úsheýi birdeı jasandy tynys alý apparatyna qosylǵan. Osylaısha bóbekter biraz ýaqyt shala týylǵan sábılerge kútim jasaıtyn arnaıy bólimshede boldy.
№4 oblystyq perınataldyq ortalyqtyń dárigerleriniń qatań baqylaýynda bolǵan nárestelerdiń árqaısysy osy ýaqyt ishinde salmaq qosqan. Shala týylǵan sábılerdi dárigerler baptap, barlyq qajetti medısınalyq kómek kórsetti.
Aq halattylardyń biliktiligi men kútiminiń, tynymsyz eńbeginiń arqasynda shala týǵan shaqalaqtar aman qalyp, ata-anasy men jaqyndary búgin balalaryn baýyryna basty.
Jalpy sońǵy 10 jyldyń ishindegi sanaqqa súıensek, OQO-da jyl saıyn 7-13 úshem dúnıe esigin ashqan. Bul ýaqyt aralyǵynda 81 úshem týyldy.
Bir jylda dúnıege keletin egizderdiń sany – 800-ge jýyq. 10 jylda týylǵan jergilikti egizder sany – 7 myńnan asady. Tek sońǵy merekelik bes kúnniń ózinde oblys aýmaǵynda 700-ge jýyq sábı týyldy. 2017 jyly oblysta 76 353 sábı dúnıege kelgen. Olardyń jartysyna jýyǵy Shymkent qalasynyń enshisinde. Bala týý kórsetkishi boıynsha alǵashqy qatarda Túrkistan qalasy, Saryaǵash, Maqtaaral jáne Saıram aýdandary tur.
https://dalanews.kz/34693
