Serikbolsyn Sarybaı óziniń áleýmettik jelidegi paraqshasyeda elimizde AES salýǵa qatysty pikir bildirdi.

Biz AES tóńireginde talasyp júrgende kórshimiz Qytaı 11 ıadrolyq reaktordyń qurylysyn salýdy bastapty. Keıbir taldaýlar boıynsha Qytaı 2030 jylǵa taman álemdegi atom energıasyn óndirýden eń basty elge aınalady eken.

Qazirdiń ózinde Qytaıda 55 reaktor bar. Halqy kóp, ekonomıkasy qaryshtap damyp jatqan elge turaqty energıa beretin atom elektr stansıalary kóptik etpeıtin sıaqty ǵoı.

Ózimiz jıi salystyratyn Ózbekstan bizben shekaralas Jyzaq oblysynda AES salýǵa kirisip jatyr. Ózimiz jaqyn tartatyn baýyrlas el Túrkıa "Akkýıý" AES-in jaqyn ýaqytta qoldanysqa berýi múmkin.

Osy atom stansıasyn salýǵa qazaqstandyq 150 maman atsalysýda. Eger halyq referendýmda AES salýdy qoldasa, sol ózimizdiń tájirıbeli mamandar óz elindegi qurylysqa da qatysýy múmkin.

Tizimdi qarasaq AES-y bar álemdegi 30-dan astam eldiń barlyǵy damyǵan elder. Jantalasyp AES salýǵa talpynyp jatqandar da damyǵan elder.

Birneshe kúnnen beri áleýmettik jelide Qazatompromnyń burynǵy bastyǵy Muhtar Jákishovtiń AES salý boıynsha aıtqan pikiri de keń talqylanýda. Aıtýynsha jel, kúnnen alatyn energıa kózine senýge bolmaıdy, eń turaqty toqtaýsyz energıany AES beredi.

Osylardy kórip oılanyp qalasyń.