Resei prezidenti Vladimir Pýtinniń bir kún buryn Groznyiǵa baryp, Sheshenstan basshysy Ramzan Qadyrovpen kezdeskeni belgili. Dalanews.kz tilshisi Pýtinniń Qadyrovpen ne týraly sóileskenin anyqtap kórdi.
Birinshiden, Ramzan Ahmatuly jaqynda ǵana densaýlyǵynyń nasharlaýyna bailanysty em-dom alyp, dárigerlerdiń qorytyndysyn alǵan. Onda Sheshenstan basshysynyń jaǵdaiy ázirge jaqsarǵanymen, jalpy boljam kóńil kónshitpeitini jazylǵan, Onyń ómir súrýine 12-14 aidan aspaityn kórinedi.
Ekinshiden, basqosý barysynda Soltústik áskeri okrýgi men Kýrsk oblysyndaǵy jaǵdai talqylanǵan. Prezident Pýtinniń Sheshenstan áskerbasshysy Apti Alaýdinovtyń sońǵy málimdemelerine kóńili tolmai otyr. Vladimir Vladimirovich Kavkazǵa kelmei turyp jariia bolǵan Alaýdinovtyń sózderi Resei armiiasyndaǵy ahýaldy kúrdelendirip jibergen. Atap aitqanda, Ahmat pen áskeri bólimsheler arasyndaǵy bailanysqa syzat túsirgen.
Sol sebepten de Prezident «ýaqytynda aýzyn jaba almaǵan Alaýdinovtiń úlken isti basqara alatynyna» kúmán keltirdi. Sonymen qatar Pýtin onyń Qadyrovtan keiin Sheshenstandy basqarý perspektivasy nólge teń ekenin eskertti.
Degenmen, derekkózderimizdiń biri bul sóz Qorǵanys ministriniń qyzmetine qatysty aityldy dep esepteidi. Alaida, bizdiń bul aqparatqa kúmánimiz bar, óitkeni Beloýsov taiaýda ǵana taǵaiyndaldy jáne bul qyzmetke qajet bolsa, odan áldeqaida yqpaldy, tájiribeli, bedeldi kandidattar bar.
Úshinshiden, Vladimir Pýtin Qadyrovpen ahmatshylardyń maidandaǵy urys qimyldaryna belsendirek qatysý múmkindigin talqylady. Qadyrov maidan shebinde, atap aitqanda Kýrsk aimaǵynda jaýyngerler sanyn kóbeitýge ýáde bergen.
Sondai-aq Qadyrov óziniń «murageri» týraly eshteńe dei qoimaǵan. Bul máseleni em-domynyń sońyna taman talqylaýdy jón kórgen.
