Mádeniet jáne aqparat ministri Aida Balaeva áýel basta Belarýste túsiriledi dep josparlanǵan daladaǵy urys sahnalary endi Shyǵys Qazaqstanda túsiriletini týraly óziniń Facebook jelisindegi paraqshasynda habarlady deidi Dalanews.kz.
–Birinshiden, Áliia Moldaǵulovanyń erligin bárimiz jadymyzda ustaitynymyzdy atap ótkim keledi. Onyń tarihy ulttyq jadymyzdyń ajyramas bóligi jáne ministrlik batyr qyzdyń erligine arnalǵan filmniń úlken ekranǵa shyǵýyna múddeli. "Áliia" filmi biz úshin basty filmderdiń biri bolyp qala beredi. Bul jalpy biýdjeti 900 mln teńgeden asatyn aýqymdy joba, onyń 450 mln teńgesi jeke investitsiia, al qalǵan somany kinokompaniia memlekettik biýdjetten alýdy josparlaǵan, - dedi Aida Balaeva.
Túsirilimniń negizi bóligi iaǵni, áskeri qimyldar sahnasyn túsirý Belarýs Respýblikasynyń aýmaǵynda josparlanǵan. Biraq Belarýs Respýblikasy qazir basqa jobalardyń, negizinen reseilik jobalardyń júktemesi joǵary bolǵandyqtan, qajetti alańdarymen qamtamasyz ete almai otyr.
– Osy sebepti tolyq kólemde dekoratsiiany paidalaný kestesin kelisý múmkin bolmady, keiin jobanyń merzimin ótkizip alý jáne ýaqytynda aiaqtalmaý qaýpi týyndady. Osyǵan bailanysty Shyǵys Qazaqstan oblysyndaǵy alańdarda qurý týraly sheshim shyǵaryldy. Bul túsirilim sapasyn saqtap qana qoimai, filmniń ýaqytynda túsirýilin qamtamasyz etedi. Mundai sharalar kórermen úmitin aqtaityn jáne uly qaharman qyzdy eske alýǵa laiyq film túsirýge septigin tigizetinine senimdimiz, - dedi mádeniet jáne aqparat ministri Aida Balaeva.
