Dúnıejúzilik densaýlyq saqtaý uıymy Qazaqstanǵa eki iri qaıǵyly oqıǵa — Túrkistan oblysynda bolǵan órt pen Astanadaǵy feldsherdiń qazasyna baılanysty kóńil aıtty. Uıymnyń Eýropalyq búrosynyń basshysy Hans Klúge resmı hat joldady, dep habarlaıdy Dalanews.kz

«Astanada adamdardy qutqarý mindetin oryndaý kezinde jas medısınalyq qyzmetkerdiń qaza bolýyna baılanysty shyn júrekten kóńil aıtamyn» – dep jazdy ol Densaýlyq saqtaý mınıstri Aqmaral Álnazarovaǵa.

Hatta Alǵabas aýylynda bolǵan qaıǵyly oqıǵa da atap ótildi: órt kezinde eki otbasy, onyń ishinde toǵyz bala qaza tapqan. Sonymen qatar, Hans Klúge qajettilik týyndaǵan jaǵdaıda  DDSU kómek kórsetýge daıyn ekenin habarlady.

«Balalardyń órtten qaza bolýy – úlken tragedıa, týystarynyń qaıǵysyn elestetý múmkin emes», – dep atap ótti Klúge.