Aqtóbe mańynda joǵalyp ketken erli-zaiyptylardyń deneleri tabyldy. Er adamnyń aldymen áielin óltirip, keiin ózine qol salǵany týraly boljam bar, dep habarlaidy Dalanews.kz.
Áleýmettik jelide taraǵan aqparatqa sáikes, jubailar tańǵy 10:00 shamasynda úilerinen birge shyǵyp ketti. 21 qarasha kúni qaladan tys aýmaqta aldymen áieldiń, artynsha onyń jubaiynyń denesi tabylǵan.
Áleýmettik jelide marqumdardyń artynda bes bala qalǵany týraly aqparat tarady.
Aktóbe oblystyq politsiia departamenti áieldiń denesinde zorlyq belgileri bolǵanyn rastady.
“Odan keiingi is- sharalar barysynda jubaiynyń denesi tirshilik belgilerinsiz, asylyp turǵan kúiinde tabyldy ”, – delingen vedomstvo habarlamasynda.
Oqiǵa ornynda tergeý-jedel toby jumys istep jatyr. Qazirgi ýaqytta aimaq tekserilip, dáleldemeler jinalýda. Áieldi óltirý faktisi boiynsha qylmystyq is qozǵalyp, tiisti saraptamalar taǵaiyndaldy.
Politsiia oqiǵanyń barlyq mán-jaiyn anyqtap jatyr.
