اقتوبە ماڭىندا جوعالىپ كەتكەن ەرلى-زايىپتىلاردىڭ دەنەلەرى تابىلدى. ەر ادامنىڭ الدىمەن ايەلىن ءولتىرىپ، كەيىن وزىنە قول سالعانى تۋرالى بولجام بار، دەپ حابارلايدى Dalanews.kz.
الەۋمەتتىك جەلىدە تاراعان اقپاراتقا سايكەس، جۇبايلار تاڭعى 10:00 شاماسىندا ۇيلەرىنەن بىرگە شىعىپ كەتتى. 21 قاراشا كۇنى قالادان تىس اۋماقتا الدىمەن ايەلدىڭ، ارتىنشا ونىڭ جۇبايىنىڭ دەنەسى تابىلعان.
الەۋمەتتىك جەلىدە مارقۇمداردىڭ ارتىندا بەس بالا قالعانى تۋرالى اقپارات تارادى.
اكتوبە وبلىستىق پوليسيا دەپارتامەنتى ايەلدىڭ دەنەسىندە زورلىق بەلگىلەرى بولعانىن راستادى.
“ودان كەيىنگى ءىس- شارالار بارىسىندا جۇبايىنىڭ دەنەسى تىرشىلىك بەلگىلەرىنسىز، اسىلىپ تۇرعان كۇيىندە تابىلدى ”، – دەلىنگەن ۆەدومستۆو حابارلاماسىندا.
وقيعا ورنىندا تەرگەۋ-جەدەل توبى جۇمىس ىستەپ جاتىر. قازىرگى ۋاقىتتا ايماق تەكسەرىلىپ، دالەلدەمەلەر جينالۋدا. ايەلدى ءولتىرۋ فاكتىسى بويىنشا قىلمىستىق ءىس قوزعالىپ، ءتيىستى ساراپتامالار تاعايىندالدى.
پوليسيا وقيعانىڭ بارلىق ءمان-جايىن انىقتاپ جاتىر.
