Memleket basshysy Armeniia premer-ministrimen kelissóz júrgizdi, dep habarlaidy Dalanews.kz.
"Asa qurmetti Nikol Vovaevich, Qazaqstanǵa qosh keldińiz! Sizdiń saparyńyz óte mańyzdy. Eki eldiń strategiialyq seriktestik deńgeiindegi qarym-qatynasynyń damýyna úlken serpin beredi dep senemiz. Bul – Qazaqstanǵa alǵashqy saparyńyz. Shyn máninde, qazaq halqy Armeniia jurtyna, tarihyna, salt-dástúrine, mádenietine zor qurmetpen qaraidy. Sapar barysynda birqatar mańyzdy kelisimge qol qoiylady", - dedi Prezident.
"Asa qurmetti Prezident myrza, meni Qazaqstanǵa resmi saparmen shaqyryp, Astanada qonaqjailyq tanytqanyńyz úshin alǵys aitamyn. Bul sapar bizdiń ekijaqty qarym-qatynasymyzǵa tyń serpin beredi. Qos memleket arasyndaǵy yntymaqtastyqtyń jańa kezeńi Sizdiń byltyr Armeniiaǵa jasaǵan resmi saparyńyzdan bastaý aldy. Sonyń nátijesinde mańyzdy kelisimderge qol qoiyldy. Onyń keibiri júzege asyryldy, qalǵan bóligi oryndalý ústinde. Qazaqstanǵa resmi saparmen kelý – men úshin zor mártebe!" - dedi Armeniia premer-ministri.
