Áleýmettik jelide kópqabatty úidiń joǵarǵy qabatynda óz-ózine qol salmaqshy bolǵan qyzdyń videosy tarady. Kýágerlerdiń jedel áreketi arqasynda qyz aman qaldy, dep habarlaidy Dalanews.kz
Taraǵan beinejazba kadrlarynda qyz terezeniń syrtqy jaǵynda turǵany, al er adamnyń syrtqa eńkeiip, onymen sóilesip turǵany kórinedi. Bir sátte ol qyzdyń qolynan ustap, terezege qarai tartyp kórdi. Alaida qyz qarsylyq kórsetip, kómektespekshi bolǵan adamdarǵa boi bermedi. Sol ýaqytta kórshi terezeden taǵy bir jas jigit parapetke shyǵyp, qyzǵa jaqyndaýǵa tyrysty. Aqyry qyzdy kúshpen ishke tartyp, qutqaryp qaldy.
Shymkenttiń TJ departamenti bul oqiǵa 20 qarasha tańerteń “Modern siti” turǵyn úi kesheninde bolǵanyn habarlady.
“12 qabatty úidiń segizinshi qabatynda áiel adam sýitsid jasamaq boldy. Oqiǵa ornyna jedel qyzmetter 09:52-de keldi. Tótenshe qyzmet ókilderi kelmei turyp, jaǵdaidy alǵash baiqap, páterge kirip, qyzdyń qulap ketýin aldyn alǵan janashyr azamattar boldy», – dep habarlady qalalyq TJD.
