Mańǵystaý oblysynyń turǵyny áıelin uryp-soǵyp, soǵan qaramastan qylmystyq jaýapkershilikten bosatyldy, dep habarlaıdy Dalanews.kz.

İs materıaldaryna sáıkes, oqıǵa bıyl 21 qazanda bolǵan. Er adam úıinde áıelin soqqyǵa jyqqan. Al dene jaraqattary jeńil dep baǵalanǵan.

Sot talqylaýy kezinde jábirlenýshi kúıeýi keltirgen zıandy ótegenin jáne onymen tatýlasqanyn aıtty. Ol sottan er adamdy qylmystyq jaýapkershilikten bosatyp, isti toqtatýdy surady.

Prokýror da, advokat ta taraptardyń tatýlasýyna baılanysty qylmystyq qýdalaýdy toqtatýdy qoldady.

Sottyń qaýlysymen QR QK-niń 109-1-babynyń 1-bóligi («Sabaý») boıynsha qozǵalǵan qylmystyq is toqtatyldy. Er adam atalǵan kodekstiń 68-baby negizinde jaýapkershilikten bosatyldy.

Qaýly ázirge zańdy kúshine engen joq.