ماڭعىستاۋ وبلىسىنىڭ تۇرعىنى ايەلىن ۇرىپ-سوعىپ، سوعان قاراماستان قىلمىستىق جاۋاپكەرشىلىكتەن بوساتىلدى، دەپ حابارلايدى Dalanews.kz.
ءىس ماتەريالدارىنا سايكەس، وقيعا بيىل 21 قازاندا بولعان. ەر ادام ۇيىندە ايەلىن سوققىعا جىققان. ال دەنە جاراقاتتارى جەڭىل دەپ باعالانعان.
سوت تالقىلاۋى كەزىندە جابىرلەنۋشى كۇيەۋى كەلتىرگەن زياندى وتەگەنىن جانە ونىمەن تاتۋلاسقانىن ايتتى. ول سوتتان ەر ادامدى قىلمىستىق جاۋاپكەرشىلىكتەن بوساتىپ، ءىستى توقتاتۋدى سۇرادى.
پروكۋرور دا، ادۆوكات تا تاراپتاردىڭ تاتۋلاسۋىنا بايلانىستى قىلمىستىق قۋدالاۋدى توقتاتۋدى قولدادى.
سوتتىڭ قاۋلىسىمەن ق ر قك-نىڭ 109-1-بابىنىڭ 1-بولىگى («ساباۋ») بويىنشا قوزعالعان قىلمىستىق ءىس توقتاتىلدى. ەر ادام اتالعان كودەكستىڭ 68-بابى نەگىزىندە جاۋاپكەرشىلىكتەن بوساتىلدى.
قاۋلى ازىرگە زاڭدى كۇشىنە ەنگەن جوق.
