Qazaviaqutqarý aviatsiialyq qyzmetiniń tikushaǵy Túrkistan oblysynyń Jetisai aýdanynan Shymkent qalasyna sanitarlyq reis oryndady, dep habarlaidy Dalanews.kz.
Sanitarlyq reis "Ulttyq shuǵyl meditsinany úilestirý ortalyǵy" RMQK-nyń úilestirýimen uiymdastyryldy. Reis barysynda Túrkistan oblysyndaǵy órt saldarynan zardap shekken, 1990 jyly týǵan áiel Shymkent qalasyndaǵy giperbariialyq oksigenatsiia ortalyǵyna jetkizildi.
"Giperbariialyq ortalyq Shymkentte ornalasqandyqtan, al Jetisai aýdanynda shuǵyl meditsinalyq kómek kórsetýge qajet arnaiy jabdyqtar jetkiliksiz bolǵandyqtan, naýqasty tasymaldaý qajet boldy. Ekipaj sanitarlyq reisti sátti oryndap, qaýipsizdik sharalaryn saqtai otyryp, zardap shekken azamatshany mejeli jerge jetkizdi. Qoný sátinen keiin azamatsha arnaiy mamandandyrylǵan dárigerlerdiń baqylaýyna tapsyryldy", - dep jazylǵan habarlamada.
Eske salaiyq, buǵan deiin jeke úidegi órt saldarynan 12 adam qaza tapty, toǵyzy - balalar.
Málimetke súiensek, órtten qaza tapqan marqumdar - bir áýlettiń músheleri.
