Memleket basshysy Vetnam Kommýnistik partiiasy Ortalyq komitetiniń Bas hatshysy To Lamǵa kóńil aitty, dep habarlaidy Dalanews.kz.
Qasym-Jomart Toqaev jedelhatta Vetnamnyń ortalyq aimaqtarynda bolǵan sý tasqyny saldarynan kóptegen azamattyń qaza tapqany týraly sýyt habardy tereń kúizelispen qabyldaǵanyn jazǵan.
Prezident tabiǵi apattan qaitys bolǵan adamdardyń týystaryna sabyr, al jaraqat alǵan jandardyń tezirek saýyǵyp ketýine tilektestik bildirgen.
Aita keteiik, sý tasqyny saldarynan 41 adam qaza taýyp, toǵyz adam iz-tússiz joǵalyp ketken.
