Túrkistan oblysynda jerdiń melioratsiialyq jaǵdaiyn jaqsartý jáne sý resýrstaryn tiimdi paidalaný maqsatynda 734 tik drenaj uńǵymany qalpyna keltirý jáne jańǵyrtý boiynsha keshendi baǵdarlama júzege asyrylyp jatyr. Jumystar Jetisai, Maqtaaral, Saýran jáne Shardara aýdandaryn qamtidy, dep habarlaidy Dalanews.kz
Islam damý bankiniń qoldaýymen Jetisai aýdanynda 210, Shardara aýdanynda 302 uńǵymada qurylys-montaj jumystary júrgizilip jatyr. Irrigatsiialyq jáne drenaj júielerin jetildirý jobasynyń ekinshi fazasy aiasynda Maqtaaral aýdanynda 150, al Saýran aýdanynda 72 uńǵymany rekonstrýktsiialaý jumystary jalǵasýda. Sonymen qatar Ordabasy aýdanynda 11 jáne Otyrar aýdanynda 42 uńǵymany qalpyna keltirýge jobalaý-smetalyq qujat ázirleý josparlanǵan.
Budan bólek, 2020 jyly Túrkistan filialynyń qaramaǵyna 57 tik drenaj uńǵyma berilgen bolatyn. Búginde olardyń 30-y qalpyna keltirildi. Jyl sońyna deiin taǵy 10 uńǵymany jóndeý aiaqtalady, qalǵan 17-si kelesi jyly qalpyna keltiriledi.
Tik drenaj júieleri jerasty sýynyń deńgeiin turaqtandyrýda, topyraqtyń qaita tuzdaný qaýpin azaitýda jáne sýarmaly jerlerdiń jaǵdaiyn jaqsartýda mańyzdy ról atqarady.
«Sońǵy jyldary Túrkistan oblysyndaǵy jerlerdiń melioratsiialyq turaqtylyǵyn qamtamasyz etýde tik drenajdyń mańyzy aitarlyqtai artty. Osyǵan bailanysty óńirde drenaj uńǵymalaryn qalpyna keltirý jáne jańǵyrtý boiynsha aýqymdy jumystar júrgizilip jatyr. Bul sharalar sý resýrstaryn utymdy paidalanýǵa jáne agrarlyq sektordyń turaqty damýyna baǵyttalǵan. Qazirgi ýaqytta oblystyń Jetisai, Maqtaaral jáne Ordabasy aýdandarynda 380 tik drenaj uńǵyma jumys isteidi», - dedi Sý resýrstary jáne irrigatsiia vitse-ministri Erbolat Ibraihanov.
