Dúniejúzilik densaýlyq saqtaý uiymy Qazaqstanǵa eki iri qaiǵyly oqiǵa — Túrkistan oblysynda bolǵan órt pen Astanadaǵy feldsherdiń qazasyna bailanysty kóńil aitty. Uiymnyń Eýropalyq biýrosynyń basshysy Hans Kliýge resmi hat joldady, dep habarlaidy Dalanews.kz
«Astanada adamdardy qutqarý mindetin oryndaý kezinde jas meditsinalyq qyzmetkerdiń qaza bolýyna bailanysty shyn júrekten kóńil aitamyn» – dep jazdy ol Densaýlyq saqtaý ministri Aqmaral Álnazarovaǵa.
Hatta Alǵabas aýylynda bolǵan qaiǵyly oqiǵa da atap ótildi: órt kezinde eki otbasy, onyń ishinde toǵyz bala qaza tapqan. Sonymen qatar, Hans Kliýge qajettilik týyndaǵan jaǵdaida DDSU kómek kórsetýge daiyn ekenin habarlady.
«Balalardyń órtten qaza bolýy – úlken tragediia, týystarynyń qaiǵysyn elestetý múmkin emes», – dep atap ótti Kliýge.
