دٷنيەجٷزٸلٸك دەنساۋلىق ساقتاۋ ۇيىمى قازاقستانعا ەكٸ ٸرٸ قايعىلى وقيعا — تٷركٸستان وبلىسىندا بولعان ٶرت پەن استاناداعى فەلدشەردٸڭ قازاسىنا بايلانىستى كٶڭٸل ايتتى. ۇيىمنىڭ ەۋروپالىق بيۋروسىنىڭ باسشىسى حانس كليۋگە رەسمي حات جولدادى, دەپ حابارلايدى Dalanews.kz
«استانادا ادامداردى قۇتقارۋ مٸندەتٸن ورىنداۋ كەزٸندە جاس مەديتسينالىق قىزمەتكەردٸڭ قازا بولۋىنا بايلانىستى شىن جٷرەكتەن كٶڭٸل ايتامىن» – دەپ جازدى ول دەنساۋلىق ساقتاۋ مينيسترٸ اقمارال ەلنازاروۆاعا.
حاتتا العاباس اۋىلىندا بولعان قايعىلى وقيعا دا اتاپ ٶتٸلدٸ: ٶرت كەزٸندە ەكٸ وتباسى, ونىڭ ٸشٸندە توعىز بالا قازا تاپقان. سونىمەن قاتار, حانس كليۋگە قاجەتتٸلٸك تۋىنداعان جاعدايدا ددسۇ كٶمەك كٶرسەتۋگە دايىن ەكەنٸن حابارلادى.
«بالالاردىڭ ٶرتتەن قازا بولۋى – ٷلكەن تراگەدييا, تۋىستارىنىڭ قايعىسىن ەلەستەتۋ مٷمكٸن ەمەس», – دەپ اتاپ ٶتتٸ كليۋگە.
