Soltústik Qazaqstan oblysynda veterinar maldan brýtsellez juqtyrǵan, dep habarlaidy Dalanews.kz.
Oqiǵa Soltústik Qazaqstan oblysy Jambyl aýdanyndaǵy Presnovka aýylynda bolǵan. Málimetke súiensek, derttiń kózi - aýrý mal.
"2025 jyly brýtsellez boiynsha 1 jaǵdai tirkeldi. Naýqas Presnovka aýylynda turady. Aýrý janýarmen bailanys (shiki sút ishý) arqyly juqqan. Oshaqta ýaqytyly epidemiialyq sharalar júrgizildi, bailanysta bolǵan adamdarǵa meditsinalyq baqylaý belgilendi", - dep jazylǵan málimette.
Qazir naýqastyń jaǵdaiy qanaǵattanarlyq, densaýlyǵyna shaǵymy joq.
Aita keteiik, brýtsellez (saryp) - janýardan adamǵa juǵatyn asa qaýipti juqpaly aýrý. Juqpaly aýrý kózi - brýtsellezben aýyratyn janýarlar (qoi, eshki, iri qara mal, shoshqa, it, keibir jaǵdaida buǵy, túie, jylqy maly).
Mamandar aýrý maldyń, tekserilmegen mal sútin, shiki sútti ishýge, kez kelgen jerden sút, sút ónimderin satyp alýǵa bolmaitynyn eskertti.
