سولتۇستىك قازاقستان وبلىسىندا ۆەتەرينار مالدان برۋسەللەز جۇقتىرعان، دەپ حابارلايدى Dalanews.kz.

وقيعا سولتۇستىك قازاقستان وبلىسى جامبىل اۋدانىنداعى پرەسنوۆكا اۋىلىندا بولعان. مالىمەتكە سۇيەنسەك، دەرتتىڭ كوزى - اۋرۋ مال.

"2025 جىلى برۋسەللەز بويىنشا 1 جاعداي تىركەلدى. ناۋقاس پرەسنوۆكا اۋىلىندا تۇرادى. اۋرۋ جانۋارمەن بايلانىس (شيكى ءسۇت ءىشۋ) ارقىلى جۇققان. وشاقتا ۋاقىتىلى ەپيدەميالىق شارالار جۇرگىزىلدى، بايلانىستا بولعان ادامدارعا مەديسينالىق باقىلاۋ بەلگىلەندى"، - دەپ جازىلعان مالىمەتتە.

ءقازىر ناۋقاستىڭ جاعدايى قاناعاتتانارلىق، دەنساۋلىعىنا شاعىمى جوق.

ايتا كەتەيىك، برۋسەللەز (سارىپ) - جانۋاردان ادامعا جۇعاتىن اسا ءقاۋىپتى جۇقپالى اۋرۋ. جۇقپالى اۋرۋ كوزى - برۋسەللەزبەن اۋىراتىن جانۋارلار (قوي، ەشكى، ءىرى قارا مال، شوشقا، يت، كەيبىر جاعدايدا بۇعى، تۇيە، جىلقى مالى).

ماماندار اۋرۋ مالدىڭ، تەكسەرىلمەگەن مال ءسۇتىن، شيكى ءسۇتتى ىشۋگە، كەز كەلگەن جەردەن ءسۇت، ءسۇت ونىمدەرىن ساتىپ الۋعا بولمايتىنىن ەسكەرتتى.