Ýkraina halyq depýtaty Aleksei Goncharenko óziniń Telegram-arnasynda Tramptyń Ýkrainaǵa arnalǵan beibitshilik josparyn jariialady. Ol 28 tarmaqtan turady, dep habarlaidy Dalanews.kz
Ýkrainanyń qaýipsizdigi jáne saiasi mártebesi
Jospardyń osy bólimine sáikes, Ýkrainanyń egemendigi bekitiledi, AQSh qaýipsizdik kepildikterin belgili sharttarmen beredi, Konstitýtsiiada Ýkrainanyń blokqa kirmeitin mártebesi men NATO-dan bas tartýy naqtylanady, ýkrain áskeriniń sany shekteledi jáne eldiń iadrolyq emes mártebesi saqtalady.
Aýmaqtyq máseleler
Aýmaqtyq máseleler sheńberinde Qyrym, Donetsk jáne Lýgansk Reseidiń de-fakto baqylaýynda bolyp qalady, al Herson men Zaporoje janjal syzyǵy boiynda «muzdatylǵan mártebe» alady. Sonymen qatar, Tramp Reseidiń de-fakto baqylaýyndaǵy áskeri kúshsiz býferlik aimaq qurýdy usynady, eki tarap ta shekaralardy kúshpen ózgertpeýge mindetti bolady.
Oǵan qosa, josparda áskeri kelisimder boiynsha Ýkrainada NATO áskerlerin ornalastyrýǵa tyiym salý qamtylǵan. NATO ushaqtary Polshada ornalastyrylady. AQSh pen Reseidiń qaýipsizdik jónindegi jumys tobyn qurý usynylady jáne Resei tarapynan shabýyl jasamaý saiasaty zańdyq túrde bekitiledi.
Ýkrainany qalpyna keltirý
Ýkrainany qalpyna keltirý máseleleri arnaiy investitsiialyq pakettiń qurylýyn, Reseidiń 100 milliard dollarlyq buǵattalǵan aktivterin paidalanýdy, olardyń 50%-y AQSh-qa beriletini, sonymen qatar, Eýropadan qosymsha 100 milliard evro bólýdi jáne Ýkraina Damý Qorynyń qurylýyn qamtidy.
Reseige qatysty
Tramp josparynda álemdegi Reseidiń pozitsiiasyna arnalǵan tarmaqtar sanktsiialardy kezeń-kezeńimen joiý, eldi G8 formatyna qaitarý jáne AQSh-pen uzaq merzimdi ekonomikalyq yntymaqtastyq ornatý sóz bolǵan.
Adamgershilik máseleler qaǵidasy boiynsha tutqyndardy aiyrbastaýdy, otbasylardy qaita biriktirýdi jáne bilim berý salasynda tózimdilik baǵdarlamalaryn engizý kózdelgen.
Tramp jospary energetika jáne erekshe obektilerge qatysty tarmaqtardy da qamtidy. Olarǵa MAGATE baqylaýyndaǵy Zaporoje AES-in iske qosý, elektr energiiasyn Resei men Ýkraina arasynda 50/50 bólý, sondai-aq, AQSh tarapynan Ýkraina gaz infraqurylymyn qalpyna keltirýge kómek kórsetý kiredi.
Ýkraina ishki saiasi protsester sheńberinde beibitshilik jospary qol qoiylǵannan keiin 100 kúnde sailaý ótkizý, sonymen qatar, qaqtyǵysqa qatysqan barlyq tulǵalarǵa tolyq amnistiia jariialaý kózdelgen.
Jospardyń oryndalýyn baqylaýdy Tramp basshylyq etetin «Beibitshilik keńesi» júzege asyrady.
