Halyqaralyq valúta qory (HVQ) 2026 jyly Qazaqstandaǵy ınflásıa 11% deńgeıinde saqtalatynyn boljady. Bul týraly Qazaqstan boıynsha HVQ komısıasynyń jetekshisi Álı Al-Eıd málimdedi, dep habarlaıdy Dalanews.kz.
"Biz ınflásıa osy jyldyń sońyna qaraı qazirgi shamada shamamen 13% deńgeıinde qalatynyn, al 2026 jyldyń sońyna qaraı azdap tómendep, 11% shamasyna deıin túsetinin boljap otyrmyz", — dedi Alı Al-Eıd.
HVQ ókiliniń aıtýynsha, ınflásıalyq qysym birneshe faktorǵa baılanysty týyndap otyr. Olardyń qatarynda ishki suranystyń joǵary bolýy, ımporttalatyn taýarlardyń qymbattaýy, komýnaldyq tarıfterdiń ósýi sıaqty ýaqytsha áserler, sondaı-aq 2026 jylǵa josparlanǵan salyq reformalary bar.
