Bul týraly búgin «Nur Otan» partiiasy filialynyń Saiasi biýro otyrysynda aityldy. Kún tártibine sáikes «Rýhani jańǵyrý» baǵdarlamasynyń júzege asý barysy týraly Kýrchatov qalasy men Zaisan jáne Ulan aýdandarynyń ákimi baiandama jasady. Atalǵan barlyq aimaqta buqarany rýhani jańǵyrtý baǵytynda qyrýar is atqarylyp, mejege alynǵan mindetter legi jeterlik. Máselen, Ulan aýdanynyń ákimi jazda 1719 bala Shymkent – Sairam - Túrkistan – Tarazda, sondai-aq, Katon-Qaraǵai Ulttyq parkinde bolyp, eldegi kieli jerlerdi aralamaq. Budan bólek Elorda – Astanaǵa aparý jospary bar. Al Kýrchatov qalasy «Jas fizik-2018» jazǵy mektebin uiymdastyryp otyr. Alaida filial tóraǵasy – oblys ákimi Danial Ahmetov qolda «gaýhar tas» – Tokamak (QTM) pen Ulttyq iadrolyq ortalyq turǵanda Kýrchatov jobalar sheńberin keńeitý qajettigin nyqtady.
– Álemde bar-joǵy eki Tokamak bar. Onyń bireýi qaida? Kýrchatovta. 4 iadrolyq reaktor men poligon bar. Olai bolsa, ShQO men búkil Qazaqstannyń balalary Tokamaktyń ne ekenin bilýi úshin ne isteýimiz qajettigin qarastyraiyq. Olar Keńes odaǵynan qalǵan muranyń qatygezdik qarýy ekenin jáne ony beibitshilik jolda qoldaný, iadrolyq poligondy jabý týraly Elbasy Nursultan Nazarbaev qabyldaǵan tarihi sheshimniń mańyzdylyǵyn uǵynsyn. Osy rette arnaiy baǵdarlama daiyndaýdy tapsyramyn. Búkil Qazaqstannyń balalary kelip, Tokamak tájiribesimen tanysýy qajet. Iadrolyq ortalyqqa, poligon ótken aimaqqa ekskýrsiiaǵa baryp, búgingi kelisimder týraly aqparatpen qamtylsyn, – dedi Danial Ahmetov.
2014 jyly oblystyq biýdjet esebinen A sektorynda, iaǵni, burynǵy iadrolyq qarý qoimasynda jańartý jumystary júrgizilgen. Búginde nysan týristerdi qabyldaýǵa ashyq. Aita ketý kerek, qazaqstandyq materialtaný Tokamagy (QTM) elde ǵylym men tehnologiiany damytý jáne ǵylymi-injenerlik salalarda joǵary bilikti kadrlaryn daiyndaý maqsatynda QR Prezidenti Nursultan Nazarbaevtyń sheshimimen qurylǵan.
ShQO ákiminiń baspasóz qyzmeti
