Ońtústikte Kásipodaqtar birlestigi 8 mamandyq boiynsha 200 adamdy oqytatyn bolady
Onyń aitýynsha, qazirgi tańda Qazaqstannyń kásipodaqtar Federatsiiasy respýblikamyzdaǵy eń sany kóp uiym sanalady. Onyń quramynda 18 salalyq kásipqoi odaqtary boiynsha jalpy sany 2 millionnan astam múshesi bar. Olardyń ishinde 221 752 adam Ońtústik Qazaqstan oblysynyń azamattary.
– Jalpy kásipodaq birlestigi barlyq sala jumysshylarynyń eńbekaqy jáne qaýipsiz jumys jaǵdaiy máselelerin, eńbek demalysyn der kezinde alý men ózge de máselelerdi sheshý úshin birigetin qoǵamdyq uiym. Máselen, 2008 jyly oblystaǵy jumys istep turǵan 16 000 kásiporynnyń ishinde tek 1 853-inde ǵana óz jumysshylarmen kelisim-shart jasalǵan. Bul – 11,6 paiyz degen sóz. Al qazirgi tańda quramynda kásipodaq uiymdary bar kásiporyndar men uiymdardaǵy ujymdyq kelisim-shart jasasý úlesi 42 paiyzdy qurap otyr, – dedi Berik Aidarbekuly.
Osyǵan bailanysty 2018-2019 jyldary «Eńbek kelisim-shartyn jasańyz!» atty respýblikalyq aktsiiasy ótetin bolady. Onyń maqsaty – jasyryn jáne qalyptan tys eńbek qatynastaryn qysqartý, jumysshylardyń quqyqtary men múddelerin qorǵaý deńgeiin kóterý bolmaq.
Aita ketereligi, kásipodaq jarnalary boiynsha qarajattyń orta eseppen 70 paiyzy bastaýysh kásipodaq uiymdarynda qalyp, al 30 paiyzy kásipodaq apparatynyń qalypty jumys isteýi úshin oblystyq jáne respýblikalyq deńgeidegi kásipodaqtarǵa bólinip keledi.
– Bastaýysh kásipodaq uiymdary ózderiniń kásipodaq jinaqtaryn óz ujymyndaǵy kez-kelgen is-sharaǵa jumsaýǵa quqyly. Buǵan deiin áleýmettik tólemder kásipodaqtarǵa baǵyttalyp, uiymdar jumysshylar úshin joldamalardy satyp alyp, olardy óz baǵasynan 90 paiyz arzan nemese tegin taratyp keldi. Aita keteiik, ótken jyly 10 salalyq kásipodaqta 4100 adam saýyǵýǵa joldama alǵan. Onyń ishinde 3000-ǵa jýyq joldama OQO bilim berý jáne ǵylymi qyzmetkerleriniń oblystyq kásipodaq komitetine tiesili, ol maqsatta 160 millionnan astam teńge bólingen bolatyn, – dedi Berik Bekjanov.
Sonymen qatar, óńirdegi kásipodaq birlestigi oblystyq sotpen áriptestikti jalǵastyratyn bolady. Bul turǵyda jumysshylardyń eńbek quqyǵyn qorǵaý maqsatynda aýmaqtyq kásipodaq ortalyǵynda is-sharalar jospary túzilgen. Onyń birinshi baǵyty boiynsha tatýlastyrý qyzmetteri ortalyǵyn quryp, eńbek daýlaryn sotqa deiin sheshý bolmaq.
OQO ákiminiń baspasóz qyzmeti
