ونىڭ ايتۋىنشا، قازىرگى تاڭدا قازاقستاننىڭ كاسىپوداقتار فەدەراسياسى رەسپۋبليكامىزداعى ەڭ سانى كوپ ۇيىم سانالادى. ونىڭ قۇرامىندا 18 سالالىق كاسىپقوي وداقتارى بويىنشا جالپى سانى 2 ميلليوننان استام مۇشەسى بار. ولاردىڭ ىشىندە 221 752 ادام وڭتۇستىك قازاقستان وبلىسىنىڭ ازاماتتارى.
– جالپى كاسىپوداق بىرلەستىگى بارلىق سالا جۇمىسشىلارىنىڭ ەڭبەكاقى جانە ءقاۋىپسىز جۇمىس جاعدايى ماسەلەلەرىن، ەڭبەك دەمالىسىن دەر كەزىندە الۋ مەن وزگە دە ماسەلەلەردى شەشۋ ءۇشىن بىرىگەتىن قوعامدىق ۇيىم. ماسەلەن، 2008 جىلى وبلىستاعى جۇمىس ىستەپ تۇرعان 16 000 كاسىپورىننىڭ ىشىندە تەك 1 853-ىندە عانا ءوز جۇمىسشىلارمەن كەلىسىم-شارت جاسالعان. بۇل – 11،6 پايىز دەگەن ءسوز. ال قازىرگى تاڭدا قۇرامىندا كاسىپوداق ۇيىمدارى بار كاسىپورىندار مەن ۇيىمدارداعى ۇجىمدىق كەلىسىم-شارت جاساسۋ ۇلەسى 42 پايىزدى قۇراپ وتىر، – دەدى بەرىك ايداربەك ۇلى.
وسىعان بايلانىستى 2018-2019 جىلدارى «ەڭبەك كەلىسىم-شارتىن جاساڭىز!» اتتى رەسپۋبليكالىق اكسياسى وتەتىن بولادى. ونىڭ ماقساتى – جاسىرىن جانە قالىپتان تىس ەڭبەك قاتىناستارىن قىسقارتۋ، جۇمىسشىلاردىڭ قۇقىقتارى مەن مۇددەلەرىن قورعاۋ دەڭگەيىن كوتەرۋ بولماق.
ايتا كەتەرەلىگى، كاسىپوداق جارنالارى بويىنشا قاراجاتتىڭ ورتا ەسەپپەن 70 پايىزى باستاۋىش كاسىپوداق ۇيىمدارىندا قالىپ، ال 30 پايىزى كاسىپوداق اپپاراتىنىڭ قالىپتى جۇمىس ىستەۋى ءۇشىن وبلىستىق جانە رەسپۋبليكالىق دەڭگەيدەگى كاسىپوداقتارعا ءبولىنىپ كەلەدى.
– باستاۋىش كاسىپوداق ۇيىمدارى وزدەرىنىڭ كاسىپوداق جيناقتارىن ءوز ۇجىمىنداعى كەز-كەلگەن ءىس-شاراعا جۇمساۋعا قۇقىلى. بۇعان دەيىن الەۋمەتتىك تولەمدەر كاسىپوداقتارعا باعىتتالىپ، ۇيىمدار جۇمىسشىلار ءۇشىن جولدامالاردى ساتىپ الىپ، ولاردى ءوز باعاسىنان 90 پايىز ارزان نەمەسە تەگىن تاراتىپ كەلدى. ايتا كەتەيىك، وتكەن جىلى 10 سالالىق كاسىپوداقتا 4100 ادام ساۋىعۋعا جولداما العان. ونىڭ ىشىندە 3000-عا جۋىق جولداما وقو ءبىلىم بەرۋ جانە عىلىمي قىزمەتكەرلەرىنىڭ وبلىستىق كاسىپوداق كوميتەتىنە تيەسىلى، ول ماقساتتا 160 ميلليوننان استام تەڭگە بولىنگەن بولاتىن، – دەدى بەرىك بەكجانوۆ.
سونىمەن قاتار، وڭىردەگى كاسىپوداق بىرلەستىگى وبلىستىق سوتپەن ارىپتەستىكتى جالعاستىراتىن بولادى. بۇل تۇرعىدا جۇمىسشىلاردىڭ ەڭبەك قۇقىعىن قورعاۋ ماقساتىندا اۋماقتىق كاسىپوداق ورتالىعىندا ءىس-شارالار جوسپارى تۇزىلگەن. ونىڭ ءبىرىنشى باعىتى بويىنشا تاتۋلاستىرۋ قىزمەتتەرى ورتالىعىن قۇرىپ، ەڭبەك داۋلارىن سوتقا دەيىن شەشۋ بولماق.
وقو اكىمىنىڭ باسپا ءسوز قىزمەتى
