Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

«Mereili otbasy» ónege kórsetetin óreli is

Dalanews
«Mereili otbasy» ónege kórsetetin óreli is
Taldyqorǵan qalasyndaǵy I. Jansúgirov atyndaǵy Mádeniet saraiynda «Mereili otbasy» ulttyq baiqaýynyń Almaty oblystyq týry jeńimpazdary marapattaldy. Óz balalarymen qatar qazaq, orys, nemis ulttarynyń 7 perzentin baýyryna basyp otyrǵan Káribaevtar otbasy men metsenat, zańger, bilim salasynyń úzdigi Rahymbekovtar otbasy birinshi oryn iegerleri atandy.

Baiqaýǵa qatysqan ózge otbasylar arasynda shyǵarmashylyq otbasylar, kópbalaly otbasylar, onyń ishinde, muǵalimder, dárigerler, mehanizatorlar, sportshylar, kásipkerler otbasalar da boldy.

Marapattaý saltanaty baiqaýǵa ár aýdan, qalalardan  qatysqan otbasylar týraly beinefilm kórsetýden bastaldy. Munan soń quttyqtaý sóz sóilegen oblys ákiminiń orynbasary Jaqsylyq Omar otbasy qundylyǵy týraly aityp ótti.

– Bul baiqaý otbasylar arasyndaǵy jarys emes, eń aldymen osyndai úlgi bolarlyq otbasylardyń bar ekenin, olardy jastarǵa ónege etýge bolatynyn kórsetý. Otbasy – memlekettiń tiregi. Sondyqtan elimizde otbasylarǵa kóńil bólinip, mereii asqan shańyraqtardy kóptiń aldynda qurmettep, marapattaý igi dástúrge ainaldy. Búgingi kúni, bir ókinishtisi, jas otbasylardyń ajyrasý faktileri jii oryn alyp otyr. Sondai keleńsizdiktiń aldyn alý úshin, eki jastyń bir-biriniń aldyndaǵy jaýapkershiligin, otbasy qundylyqtaryn túsinýi úshin úlgili otbasylardy maqtan etip, nasihattap otyrýymyz kerek, – degen Almaty oblysy ákimniń orynbasary Jaqsylyq Omar marapattaý rásimine kóshti.

Taǵaiyndalǵan eki birinshi orynnyń birin taldyqorǵandyq Rahymbekovtar otbasy ielendi. Otaǵasy Myqtybek Rahymbekov myqty zańger, bilim, rýhaniiat salalarynda demeýshilik jasap júretin jomart jan. «Bilim berý isiniń úzdigi» atanǵan. Jubaiy Qalqa Baljanova da bilim berý salasynyń ardageri. Ekeýi eki ul, úsh qyz tárbielep, búginde olardyń árqaisysy ómirden óz ornyn tapqan.

Taǵy bir birinshi orynǵa laiyq dep tanylǵan Jambyl aýdanynan kelgen Kárimovtar otbasy kóp balaly januia. Óziniń 2 balasyna qosa 7 jetim balany ósirip, jetkizip, tárbielep otyr. Olar bir shańyraq astynda tatý-tátti, baýyrmal bolyp ósip keledi. Otaǵasy Birjan – kásipker. Otanasy Áliia ekonomist, jýrnalist jáne dizainer. Sal jáne onkologiialyq aýrýlarǵa shaldyqqan balalarǵa qarajat jinaý qorynyń eriktisi. Ekeýi birlesip UZYN.kz saityn quryp, júrgizip otyr. Jeńimpazdarǵa 1 mln. teńgeden aqshalai syilyq jáne arnaiy diplomdar berildi.

Ekinshi oryndy qarasailyq Bekaidar otbasy, kóksýlyq Júnisovter otbasy jáne alakóldik Dúisebaevtar otbasy ielendi. Úshinshi oryn Qaratal aýdanynan kelgen Shalovtarǵa, Uiǵyr aýdanynan Tohtahýnovtarǵa, Kegen aýdanynan Bóteevtar otbasyna berildi. Jeńimpazdarǵa 300 myń jáne 250 myń teńgeden aqshalai syilyq pen diplomdar tabystaldy.

Bul baiqaýdyń oblystyq týryna 38 otbasy iriktelip alynǵan bolatyn. Júldege ilikpegen, biraq sol iriktelgender qataryndaǵy otbasylardyń barlyǵyna da syi-siiapat kórsetildi. Oblys ákiminiń atynan barsha qatysýshylardy quttyqtaǵan Jaqsylyq Omar jeńimpaz atanǵan eki otbasynyń respýblikalyq baiqaýda top jaryp shyǵýyna tilektestigin bildirdi.

Jalpy, konkýrs alǵash ótkizilgen 2014 jyly baiqaýǵa 172 otbasy qatyssa, biylǵy jyly olardyń sany 400-den asqan. Endi «Mereili otbasy» ulttyq konkýrsynda oblystyń atynan Kárimovtar men Rahymbekovtar otbasy shyǵatyn bolady.
Taldyqorǵan Mereili otbasy Jambyl aýdany Mádeniet saraiy Myqtybek Rahymbekov Madina Sádýaqasova

Oqi otyryńyz