Ótken jyly oblys áleýmettik-ekonomikalyq damýdyń barlyq kórsetkishterin oryndap, birqatary boiynsha el ishinde úzdikter qatarynan tabyldy. Máselen, ishki aimaqtyq ónim kólemi 2,9 trln. teńgege (105%) jetti. Oǵan birinshi kezekte ónerkásip óndirisiniń 102%, aýyl sharýashlyǵy ónimderiniń 111%, qurylys jumystarynyń 104,5% ulǵaiýy yqpal etti. 21 aýyldyń 17 myń turǵyndary sapaly aýyz sýmen qamtyldy. Ónerkásip óndirisiniń kólemi 102% ósti. Jumyssyzdyq deńgeii 4,8% tústi.
Oblys ákimi Danial Ahmetov baiandamasynda kórsetilgendei, aimaqta balamaly energiiany paidalaný boiynsha birqatar jobalar júzege asyrylýda. Bul jobalar «EKSPO-2017» halyqaralyq kórmesiniń jetekshi baǵyty bolyp tabylady. Biyl oblysta kún, jel jáne sý elektr stansalarynyń qurylysy aiaqtalady dep josparlanyp otyr. Sondai-aq, qatty turmystyq qaldyqtardy zamanaýi kádege jaratý jáne óńdeý máseleleri sheshilýde.
2017 jyly oblysta 112% ósimmen 380 myń sharshy metr turǵyn úi paidalanýǵa berildi. Biylǵy nátije odan da joǵary bolatynyn jetkizdi Danial Ahmetov.
– Biz turǵyn úi qurylysynyń kólemin jyl saiyn 15-20 paiyzǵa arttyrýǵa daiynbyz. 2018 jyly 399,2 myń sharshy metr turǵyn úi paidalanýǵa berilmek. Biryńǵai sáýlet stilinde salynatyn shaǵyn aýdandardyń qurylysy boiynsha jumystar bastaldy. 11 joba ázirlenip, qurylysqa jaýaptylar anyqtaldy, –dedi oblys ákimi.
2018 jyly ShQO Elbasy Joldaýynda qoiylǵan mindetterge sai, xalyqtyń ómir sapasyn jaqsartýǵa baǵyttalǵan jumystar jalǵasady. Onyń negizinde aimaqta Nazarbaev ziiatkerlik mektepteriniń tájiribesi boiynsha bilim shańyraqtarynda jańa úlgidegi salalyq kabinetter jasaqtalyp, úsh tilde bilim berý jobasy jalǵasyn tabady. Biyl 200-den astam himiia, fizika, biologiia jáne informatika muǵalimderi aǵylshyn tilin oqyp, bilikterin jetildiretin bolady. Sondai-aq, «Rýhani jańǵyrý» baǵdarlamasy aiasynda aimaqtyq joǵary oqý oryndarynyń básekege qabilettiligin arttyrý jáne joǵary mektep túlekteriniń ketýin azaitý úshin «Bilikti maman» baǵdarlamasy bastalady.
Oblys, jalpy el úshin eń mańyzdy baǵyt – densaýlyq saqtaý júiesi. 2017 jyly atalǵan salany damytý aiasynda úsh jyldyq strategiialyq jospar daiyndaldy. Onyń negizinde sala qyzmetkerleri onkologiia, kardiologiia, ana men bala densaýlyǵyn saqtaý siiaqty basym baǵyttar boiynsha bilim alý ústinde. Meditsinalyq mekemeler zamanýi jabdyqtarmen qamtylýda. Biyl oblys biýdjetinen ol úshin 3,8 mlrd. teńge bólinedi.
– Innovatsiianyń ozyq úlgisi retinde Óskemen qalasyndaǵy 1-shi qalalyq aýrýhana bazasynda el ishindegi biregei «Robot tehnikalyq hirýrgiia jáne transplantologiia ortalyǵy» ashyldy. Qazaqstandaǵy jalǵyz gematologiialyq ortalyqtyń qurylysyn bastaý úshin qajyrly jumys júrýde, – dedi Danial Axmetov.
Sondai-aq, «Digital East» (Tsifrli Shyǵys) jobasy aiasynda Óskemen men Semei kóshelerin jaryqtandyrý júiesin jańǵyrtý qolǵa alyndy. 15 jylǵa deiin kepili bar 25 myń sham aýystyrylady. Jyldyń birinshi jartysynda «Qaýipsiz qala» júiesin iske qosý bastalady. Bul úshin 4 myń beine baqylaý kamerasy ornatylady.
– «Aqyldy qala» bóligi retinde qoǵamdyq qabyldaý, mobildi qosymsha «Digital East», densaýlyq saqtaý, bilim berý salalarynda jáne kommýnaldyq aqparattyq jeliler engiziledi, – dedi ShQO basshysy. – Biz mańyzdy tarihi kezeńniń, sandyq formatta «jańa» ómirdiń qarsańynda turmyz. Sondyqtan óńir ekonomikasy eski tehnologiialarǵa sene almaidy.
Sondai-aq, esep berý kezdesýinde oblys ákimi turǵyndar tarapynan túsken barlyq suraqtarǵa tolyq jaýap berdi. Óz kezeginde shyǵysqazaqstandyqtar oblys ákiminiń jumysyna oń baǵa berdi.
ShQO ákiminiń baspasóz qyzmeti
https://dalanews.kz/33561
